Thursday, July 16, 2015

Basic Sentence Patterns (3) - အခြေခံဝါကျပုံစံများ (၃) by Sayar WinNaingOo

Win Naing Oo's photo.

Basic Sentence Patterns (3) - အခြေခံဝါကျပုံစံများ (၃)
……………………………………………….
အင်္ဂလိပ်ဝါကျပုံစံတွေထဲက ခွဲခြားမှတ်သားဖို့ လွယ်ကူမယ်ထင်ရတဲ့ ပုံစံများကို ရေးသားတင်ဆက်နေတာဖြစ်ပါတယ် ။ ၀ါကျတစ်ခုဖြစ်ဖို့ အနည်းဆုံး Subject ကတ္တား တစ်ခုနဲ့ Verb ကြိယာ တစ်ခုရှိရမယ်လို့ ပြောခဲ့ပါတယ် ၊ သို့သော်လည်း အချို့သော ၀ါကျတွေမှာတော့ Subject နဲ့ Verb ရှိရုံမျှနဲ့ အဓိပ္ပါယ်မပြည့်စုံတဲ့အတွက် ထပ်မံဖြည့်စွက်ဖို့လိုလာပါတယ်..
ဥပမာ ..
She is..
He seems ..
စသည်ဖြင့် တွေ့ရနိုင်ပါတယ် ။
အဲလိုမျိုး မပြည့်စုံတဲ့ စကားစု တွေကို အဓိပ္ပါယ် ပြည့်စုံတဲ့ ၀ါကျဖြစ်လာအောင် အချက်အလက် စကားလုံးတွေ ထပ်ဖြည့်ပေးဖို့လိုအပ်လာပါတယ် ၊ ဖြည့်လိုက်တဲ့ စကားလုံးတွေကို Complement (ဖြည့်ပုဒ်) လို့ခေါ်ပါတယ် ..အဲဒီအခါမှာတော့ ၀ါကျဟာ အောက်မှာဖေါ်ပြတဲ့ ပုံစံ ဖြစ်လာပါတော့တယ်
.
(3) Subject + Verb + Complement (SVC)
……………………………………..
လွယ်ကူရှင်းလင်းစေဖို့အတွက် ပိုပြီး အသေးစိတ်ကျတဲ့ ပုံစံလေးတွေ ထပ်ပြီး ခွဲလိုက်ပါဦးမယ် ၊ verb ကို အမျိုးအစားခွဲတာရှိသလို ၊ complement ကိုခွဲတာလည်း ရှိပါတယ် ..
.
(3.1) Subject + V-be + Adjective
……………………..
She is beautiful. (ရိုးရိုး adj)
သူမ လှပတယ်
.
I am bored. (-ed ပေါင်းတဲ့ adj)
ကျနော်ပျင်းတယ်
.
The book is interesting. ( -ing ပေါင်းတဲ့ adj)
စာအုပ်က စိတ်ဝင်စားဖို့ကောင်းတယ်
.
The supervisor was (in a good mood) today. ( Adjective phrase လည်းဖြည့်လို့ရတယ်)
ဒီကနေ့ ကြီးကြပ်ရေးမှူးက ကြည်လင်ရွှင်ပြတဲ့ စိတ်နဲ့ ရှိခဲ့တယ်
.
(V-be နဲ့ Adj ပေါင်းလိုက်တဲ့ အခါ Verb ကြိယာ ကဲ့သို့ အဓိပ္ပါယ် ရသွားပါတယ် ၊ ဥပမာ ..လှပသည် လို့ စကားလုံးမရှိပဲ လှပသော = beautiful လို့ပဲ ရှိတဲ့အတွက် ရှေ့က V-be ပေါင်းလိုက်တော့မှ is beautiful = လှပသည် ..လို့ ဖြစ်သွားပါတယ် ။
ကျနော်ငယ်ငယ်တုန်းက She is beautiful. သူမ လှပသော ဖြစ်သည် ..လို့ ဘာသာပြန်ကြည့်ပြီး ဂွတီးဂွကျ ဘ၀င်မကျ ဖြစ်ခဲ့ဖူးလို့ ပြန်လည်မျှဝေရခြင်းပါ )
……………………..
(3.2) Subject + V-be + Noun
……..……………………..
I am (a superstar).
ကျနော်က နာမည်ကျော်ကြားလူကြိုက်များ သူတစ်ဦးပါ
.
Verb ကို -ing ပေါင်းထားတဲ့ Gerund noun တွေကိုလည်း သုံးနိုင်ပါတယ်
My favourite is (reading).
ကျနော် အနှစ်သက်ဆုံးအရာက စာဖတ်ခြင်းပါ
.
နာမ်စား pronoun တွေလည်း ဖြည့်ပုဒ်နေရာမှာ သုံးလို့ရပါတယ်
I didn't pull your hair! It was (he). (Subject ကိုညွှန်းတာမို့ he ပဲသုံးရမယ် him မသုံးရပါဘူး)
ကျနော် ခင်ဗျားဆံပင်ကို မဆွဲခဲ့ပါဘူး ၊ အဲဒါက သူပါ
.
ပိုင်ဆိုင်မှုပြ နာမ်စားတွေလည်း သုံးလို့ရပါတယ်
That girl is (mine).
အဲဒီကောင်မလေးက ကျနော့်ကောင်မလေးပါ (မြန်မာလိုမှာ ကောင်းမလေး နှစ်ခါထပ်ပေမယ့် အင်္ဂလိပ်ကတော့ ထပ်မသုံးဘူး ၊ That girl is my girl. လို့ မသုံးဘူး )
.
.. နောက်တစ်ခါ Subject ကနာမ်စား pronoun ဖြစ်နေပြီး ရှေ့မှာသူ့အကြောင်းမိတ်ဆက်ထားတဲ့ အချီဝါကျ မရှိလျင်လည်း နောက်က နာမ်စားထပ်ပြီး မသုံးပါဘူး ..
.
She is mine.လို့ ရှေ့က ဘာဝါကျမှမပါပဲ ငုံးတိတိကြီး မသုံးပါဘူး
( she ကော mine ကော နှစ်ခုလုံး နာမ်စားဖြစ်နေလို့ )
Do you know Hla Chaw Yin? She is mine.
ခင်ဗျား လှချောယဉ် ကိုသိလား ၊ သူက ကျနော့်ကောင်မလေးပေါ့ (ဒီလိုမှ သုံးလို့ရပါတယ်)
တစ်ကြောင်းတည်းဆို
Hla Chaw Yin is mine. ဒီလိုလည်းရပါတယ်
…………………..
(3.3) Subject + V-be+ Prepositional Phrase
………….
လွယ်လွယ်နဲ့ အမြဲတွေ့နေရတဲ့ ပုံစံတွေ ဖြစ်ပါတယ် .. နေရာပြတွေ ဖြစ်နေတာများတယ် ၊ Subject နဲ့ နေရာတစ်ခုရဲ့ ဆက်စပ်မှုကို ပြတယ် ၊ Place adverb ကဲ့သို့ ယူဆသူတွေရှိပါတယ်
.
The new boss is (in the meeting room).
လူကြီးအသစ်က အစည်းအဝေးခန်းထဲမှာ ရှိပါတယ်
.
No one is (above the law).
ဥပဒေအထက်မှာ မည်သူမျှ မရှိပါ .. ( ဒီမိုကရေစီ နိုင်ငံတွေမှာပေါ့)
…………………..
(3.4) Subject + Linking Verb + Adjective
……………………
ဒီခေါင်းစဉ်လေးကတော့ လေ့လာခါစ beginner များအတွက် သေချာလေ့လာသင့်ပါတယ်..ရှင်းထားတဲ့ စာကိုဖတ်ပါ နမူနာတွေကြည့်ပါ ၊ ပြီးလျင် စာကို နောက်တစ်ကြိမ်ပြန်ဖတ်ပါ .. အဲဒါမှ ပိုနားလည်ပါလိမ့်မယ် ။
~ ကြိယာတွေမှာ လုပ်ဆောင်မှု action ကိုပြတဲ့ ကြိယာ action verb တွေလည်းရှိတယ် ၊
~ ကတ္တား Subject ကို သူ့အကြောင်းဖေါ်ပြတဲ့ နောက်ကစကားလုံး ( အများအားဖြင့် နာမ၀ိသသန adjective) နဲ့ ချိတ်ဆက် ပေးတဲ့ verb တွေလည်းရှိပါတယ် .. Sub နဲ့ Adj ကို ချိတ်ဆက်ပေးတဲ့ verb ဖြစ်လို့(link လုပ်ပေးလို့) linking verbလို့ ခေါ်ပါတယ် .. V-be တွေကလည်း Linking verb အုပ်စုထဲမှာပါတယ်..
ပထမအုပ်စုက
V-be (am, is, are, was, were, be, been.. etc) , become, seem စတဲ့ True Linking verb တွေ ဖြစ်ပါတယ် ..
.
ဒုတိယအုပ်စုက
ဝါကျအနေအထားပေါ်မူတည်ပြီး Linking verb နဲ့ Action verb နှစ်မျိုး တာဝန်ထမ်းတဲ့ verb တွေ ဖြစ်ပါတယ်.. အဲဒါတွေကတော့
Appear, feel, grow, act, look, small, sound, taste, prove, seem.. စသည်တို့ ဖြစ်ပါတယ် ၊ အများကြီးရှိပါသေးတယ် ၊ အဓိကအားဖြင့် အာရုံခြောက်ပါးဖြစ်တဲ့ အမြင် အနံ့ အရသာ အကြား အတွေ့အထိ စိတ်ခံစားမှု စတာတွေအတွက် သုံးပါတယ် ၊ Native speaker တွေက ပိုသုံးလေ့ရှိတယ်လို့ ဆိုပါတယ်
ဘာသာပြန်တဲ့အခါမှာတော့ verb ရဲ့ အဓိပ္ပါယ်ကို အတိအကျယူ နေရမှာမဟုတ်ပဲ ပေါင်းစပ်နားလည်ရမှာ ဖြစ်ပါတယ် ၊ မြန်မာ မဆန်တဲ့ဝါကျတွေမို့ အတိအကျ မြန်မာပြန်ဖို့တော့ ခက်ပါတယ် .. ဥပမာတွေ ကြည့်လျင်ရှင်းသွားမှာပါ..အကြမ်းအားဖြင့် .. ပုံပေါ်သည် ၊ ထင်ရသည်.. စသည်ဖြင့် ပြန်ဆိုနိုင်ပါတယ်.
.
You seem worried.
မင်းကိုကြည့်ရတာ စိတ်ပူပန်နေပုံရတယ် ။ (မြင်ရတဲ့ အနေအထားကို အဓိကပြောတာ ၊ တကယ်ကဘယ်လိုလဲ မသိဘူး )
.
The eggs smell rotten.
ကြက်ဥတွေက ပုတ်နေတယ်လို့ ထင်ရတယ် (အနံ့အားဖြင့် ပုပ်နေတယ်)
.
The cake tastes delicious.
ကိတ်မုန့်က အရသာရှိပုံရတယ် ( အရသာကတော့ ရှိမယ်လို့ထင်တာ )
.
The vegetables looked spoiled.
ဟင်းသီးဟင်းရွက်တွေက ပျက်စီးနေခဲ့ပြီ ထင်ရတယ် ( အမြင်အရ ပျက်စီးနေပြီ )
.
Jumping into a pond (could be) dangerous.
ကန်ထဲခုန်ချတာက အန္တရာယ် ရှိနိုင်တယ်
.
Some people acts foolish.
တချို့လူတွေက (အပြုအမူအားဖြင့်) မိုက်မဲတယ်လို့ ထင်ရတယ်
.
I feel happy.
ကျနော်ပျော်တယ် ( ခံစားမှုကို ဦးစားပေးပြီးပြောတာပါ ၊ I am happy ထက် ပိုလေးနက်ပါတယ်)
.
I feel sleepy.
ကျနော်အိပ်ချင်တယ် (အိပ်ချင်တာကိုလည်း ခံစားမှုသဘောထဲ ထည့်ပြီး ပြောတာ)
(အိပ်ချင်တာကို I want to sleep. လို့ ပြောတာထက် အခုလို I feel sleepy. လို့ ပြောတာက ပိုပြီး အင်္ဂလိပ်တွေ ပြောတဲ့နည်းကျပါတယ် နော်)
.
Ko Win Naing Oo became trustworthy.
ကိုဝင်းနိုင်ဦးက ယုံကြည်ဖို့ထိုက်တန် လာခဲ့တယ် (ကောင်းတဲ့ အချက်ဆို ကိုယ့်အတွက် ရေးရတာပဲဗျို့)
.
** Became ရဲ့ နောက်မှာတော့ ထူးထူးခြားခြား Noun လိုက်လို့လည်းရတယ်ဗျ
He became a writer.
သူ စာရေးဆရာ တစ်ယောက် ဖြစ်လာခဲ့တယ် ။ စသည်ဖြင့် သုံးနိုင်ပါတယ်..
.
ဝါကျပုံစံကိုကြည့်ပြီး Linking verb ဟုတ်မဟုတ်သိလိုက်ပါ adj ရဲ့ရှေ့မှာရှိနေတဲ့ verb ဟာ linking verb လို့ သိနိုင်ပါတယ် ..ဥပမာ
.
She appears upset.
သူမ စိတ်ဓါတ်ကျနေပုံရတယ် ..ဆိုပါစို့ upset ဟာ adj လို့ ခွဲခြားနိုင်လျင် appear ဟာ linking verb လို့ သိနိုင်ပါတယ်..
……………………….
နည်းနည်း များသွားတယ်လို့ ထင်တယ် ၊ မကျေနပ်လျင် နှစ်ခါပြန်ဖတ်ပါ .. feeling လာတုန်း သွန်ချလိုက်မိလို့ပါ . အဆက်အစပ်ရှိတဲ့ အတိုင်း လိုက်ပြီးရေးလိုက်တာလည်း ပါလိမ့်မယ် ..
အကျိုးပြုစာတွေ ရေးခဲ့တဲ့ အမေရိကန်သိပ္ပံစာရေးဆရာ အိုက်ဇက်အာဆီမော့ဗ် ပြောတဲ့စကာလေးက ကျနော့်စိတ်ထဲဝင်နေတယ် ..သူပြောခဲ့တာက “ကျနော့်ကို ဆရာဝန်က နောက်ထပ်ခြောက်လပဲ နေရတော့မယ်လို့ ပြောမယ်ဆိုပါတော့ ၊ ကျနော်ဘာမှစဉ်းစားမနေဘူး လက်နှိပ်စက်ကိုပဲ ပိုပြီး မြန်မြန်ဖိရိုက်မယ်” တဲ့ ၊ ကျနော်ကတော့ ဘယ်ချိန်သေမယ်ဆိုတာ သိသိ .. မသိသိ ရေးနိုင်သလောက်ရေး ပေးနိုင်သလောက်ပေးဖို့ကိုပဲ စိတ်အားဖြည့်ထားပါတယ်လို့ ..
……..
မေတ္တာဖြင့်  

ဆရာဝင်းနိုင်ဦး Facebook မှ ကူးယူဖော်ပြသည်။ ( ဆရာဝင်းနိုင်ဦး ကျန်းမာပါစေ)

0 comments:

Post a Comment