Thursday, July 30, 2015

အးချမ်းတဲ့ မိသားစုဘဝလေးကို ဘယ်လိုတည်ဆောက်ကြမလဲ

လူ့အသိုက်အမြုံတွေထဲမှာ နွေးနွေးထွေးထွေး၊ သိုက်သိုက် ဝန်းဝန်းနဲ့ အေင်မြင်တဲ့ မိသားစုဘဝကို ပိုင်ဆိုင်သူတွေ များစွာရှိပါတယ်။ သား၊ သမီးတွေ နဲ့ပျော်ရွှင်စွာနေထိုင်ကြပြီး မိတ်ဆွေ အပေါင်း အသင်း တို့ရဲ့လေးစားမှုကိုလည်း ရရှိကြပါတယ်။ လူအများစုက ငွေကြေးဟာ မိသားစုတစ်စုရဲ့ ဘဝကို အေး ချမ်းစေတယ်၊ အောင်မြင်မှုကို ရရှိစေ တယ်လို့ယုံကြည်ကြပါတယ်။ ဒါပေမယ့် ငွေကြေး တစ်ခုတည်း က ပျော်ရွှင်တဲ့ မိသားစုတစ်စု ဖြစ်စေဖို့ ရာနှုန်းပြည့်အထောက်အကူ မပြုနိုင်ဘူးဆိုတာတော့ သတိချပ်ဖို့ လိုပါတယ်။

ဇနီးမောင်နှံတွေအနေနဲ့ ရင်သွေးငယ်တွေကိုမွေးဖွားပြီး အသိုက်အမြုံတစ်ခု တည်ဆောက်ကြတဲ့အခါ မိမိတို့ရဲ့အသိုက်ကို ခိုင်မြဲလှပစေဖို့ ရည်မှန်းကြပါတယ်။ နွေးထွေးတဲ့ ချစ်ခြင်းမေတ္တတရားတွေ၊ မိမိဇနီး၊ ခင်ပွန်းအပေါ်မှာ အပြန်အလှန်ချစ်ခင်လေးစားမှုတွေနဲ့ တည်ဆောက်ခြင်းဟာ အသိုက်အမြုံလေးထဲက ရင်သွေးငယ်တို့ရဲ့ဘဝကို လှပတောက်ပြောင်စေသလို မိမိရဲ့ အသိုက်အမြုံလေးကိုလည်း ခိုင်မြဲစေ ပါတယ်။ဒါကြောင့် လှပသာယာတဲ့အသိုက်အမြုံလေးတစ်ခုတည်ဆောက်ဖို့ကြိုးစားနေကြတဲ့ ဇနီး ၊မောင်နှံတို့ဟာ အရေးကြီတဲ့အခြေခံကျင့်ဝတ်တွေကို နားလည်ဖို့လိုပါတယ်။

မိသားစုဘဝရဲ့မဏ္ဍိုင်အဖြစ် ငွေကြေးရှာဖွေစုဆောင်းခြင်း 

မိသားစုတစ်စုအတွက် လုံခြုံသာယာတဲ့ အသိုက်အမြုံတစ်ခုဖြစ်စေဖို့ ငွေကြေးဟာ ပဓာနကျပါတယ်။ ဇနီး၊ခင်ပွန်းတို့အနေနဲ့ လုံလောက်တဲ့ငွေကြေးပမာဏတစ်ခုကို ရှာဖွေစုဆောင်းနိုင်မှ သာ သား၊ သမီးတို့ရဲ့ဖွံ့ဖြိုးတိုးတက်ရေးကို အကျိုးပြုနိုင်မှာဖြစ်ပါတယ်။ မိသားစု တစ်စုမှာ စားဝတ်နေရေး၊ ကျန်းမာရေး ၊လူမှုရေး ၊ ပညာရေး တို့မှာလုံခြုံမှုဖြစ်စေဖို့ ငွေကြေးကသာ အထောက်အပံ့ပြုနိုင်တာဖြစ်ပါတယ်။ အိမ်တစ်အိမ်ကို တည်ဆောက်တဲ့အခါ ခိုင်မာတဲ့ အိမ်တစ်ဆောင်ဖြစ်စေဖို့ တိုင်တွေထူရတယ်၊ အမိုးတွေကာရတယ် ၊နွေးထွေးတဲ့ အခင်းတွေခင်းရတယ် အစရှိတဲ့ လိုအပ်ချက်တွေ ကိုပေါင်းစုလိုက်မှ သဘာဝဘေးအန္တာရာယ်ကို ကြံ့ကြံ့ခံနိုင်တဲ့ အိမ်ကောင်းတစ်ဆောင်ကို ရရှိစေမှာဖြစ်ပါတယ်။ ဒီလိုပါဘဲ မိသားစုတစ်စုကို တည်ထောင်ကြတဲ့အခါ ငွေကြေးတစ်ခုတည်းပြည့်စုံရုံနဲ မလုံလောက်နိုင်ဘဲ အပြန်အလှန် နားလည်မေတ္တာထားမှုတို့၊ စည်းလုံးညီညွတ်မှုတို့၊ ယုံကြည်လေးစားမှုတို့၊အပြန်အလှန် တန်ဖိုးထားမှု တို့ရှိမှသာ သာယာအေးချမ်းတဲ့ မိသားစုဘဝလေးကို ရရှိစေမှာဖြစ်ပါတယ်။

ဇနီး၊ခင်ပွန်းအပေါ်မှာ အပြန်အလှန်လေးစားခြင်း 

အိမ်ထောင်စုတစ်စုမှာ မိခင် နဲ့ဖခင် ဖြစ်သူတွေဟာ တစ်ဦးကိုတစ်ဦး အပြန်အလှန်လေးစားမှုနဲ့ ဆက်ဆံနေ ထိုင်ကြရင် ဒီလိုကောင်းမွန်တဲ့ဓလေ့စရိုက်တွေဟာ သား၊သမီးတို့ဆီကိုလည်း ကူးစက် သွားစေမှာဖြစ်ပါတယ်။ ကလေးတို့ဟာ သူတို့ရှင်သန်တဲ့ပတ်ဝန်းကျင်အပေါ်မှာလည်း အပြန်အလှန်လေး စားမှုတွေ ဆက်ဆံတတ်သွားစေမှာဖြစ်ပါတယ်။ ဒီလို မိမိရဲ့ ကြင်ဖက်အပေါ် အပြန်အလှန်လေးစား သမှုပေးခြင်းဖြင့် မိမိကိုယ်ကိုယုံကြည်မှုတိုးစေသလို မိမိကြင်ဖက်ရဲ့ ယုံကြည်မှုကိုပါရရှိစေမှာဖြစ်ပါတယ်။ အိမ်ထောင်စုတစ်စုမှာ ဇနီး၊ခင်ပွန်းသည်တို့အနေနဲ့ တစ်ဦးကို တစ်ဦး ယုံကြည်လေးစားမှု ရှိပါမှ အေးချမ်း သာယာတဲ့အသိုက်လေးကို တည်ဆောက်ကြတဲ့အခါ များစွာ အင်အားဖြစ်စေမှာဖြစ်ပါတယ်။

အပြုသဘောဆောင်တဲ့စကားတွေ ပြောဆိုကြခြင်း 

ဇနီးဖြစ်စေ၊ ခင်ပွန်းဖြစ်စေ တစ်ဦးစီမှာ အားနည်းချက်၊ အားသာချက်ဆိုတာ ရှိကြမှာဖြစ်ပါတယ်။ မိသားစုဖြစ် လာပြီဆိုရင် တစ်ဦးစီရဲ့ အားနည်းချက် ၊အားသာချက်တွေအပေါ်မှာ အပြန်အလှန် ဂရုစိုက်ဖေးမ ကူညီကြခြင်း၊ အပြုသဘောဆောင် အားဖြည့်ပြောဆိုကြခြင်း၊ ယဉ်ကျေးလိမ္မာတဲ့ စကားကိုပြောဆို ကြခြင်းဖြင့် မိမိတို့ရဲ့ကလေးတို့ကိုလည်း သင်ယူတတ်မြောက်စေကာ လူ့မှုအသိုင်းအဝိုင်းနယ်ပယ်မှာ လုံခြုံမှုတစ်ခုကို ရရှိစေမှာဖြစ်ပါတယ်။ ဘယ်သူမဆို မကောင်းတဲ့ပြောဆိုဆက်ဆံမှုကို မနှစ်သက်ကြ သလို ရှောင်ရှားလေ့ရှိကြပါတယ်။ မိမိတို့ရဲ့ သားသမီးတွေမှာ ဒီလို အကျင့်စရိုက်တွေ ကင်းဝေးနေခြင်းဖြင့် ယဉ်ကျေးလုံခြုံတဲ့ ပတ်ဝန်းကျင်ကောင်းတစ်ခုကို ရရှိစေမှာဖြစ်ပါတယ်။

နားလည်ခွင့်လွတ်ပေးခြင်း 

လူတိုင်းအမှားနဲ့မကင်းနိုင်တာကြောင့် ဇနီးမှာဖြစ်စေ၊ ခင်ပွန်းမှာဖြစ်စေ အမှားပြုလုပ် မိခဲ့ရင် နောက်ထပ် မကျုးလွန်မိဖို့သတိပေးတိုက်တွန်းပြီး နားလည် ခွင့်လွတ်ပေးနိုင်ဖို့လိုပါတယ်။ ပြစ်မှု ကျူးလွန်မိတဲ့ သူအနေနဲ့လည်း မိမ်ိအနေနဲ့ မိမိရဲ့ မှားယွင်းမှုဟာ မိသားစု၊ဇနီး၊ ခင်ပွန်းအပေါ်မှာ သက်ရောက်မှု ကြီးစေမယ်ဆိုရင် ဒါဟာ မိမိရဲ့အသိုက်အမြုံကိုခြိမ်းခြောက်သလိုဖြစ်စေတာကြောင့် မိမိကိုယ်ကို ဘယ်လို ထိန်းသိမ်း ပြုပြင်ရမယ်ဆိုတာ နားလည်ဖို့လိုပါတယ်။သား၊သမီးတွေရဲ့မျက်ဝန်းတွေထဲမှာ မိဘတွေရဲ့ အရိပ်ကိုအမြဲထာဝရလိုငေးမောကြည့်မိနေတတ်တာကြောင့် မိမိတို့ရဲ့ ချို့ယွင်းမှုဟာ ကလေးတို့ အပေါ် များစွာသက်ရောက်ကြောင်းသတိရှိနေဖို့လိုပါတယ်။

ဇနီး၊ ခင်ပွန်း အပြန်အလှန် နွေးထွေးစွာ ဆက်ဆံကြခြင်း 

မိခင်၊ဖခင်တို့ရဲ့ နွေးနွေးထွေးထွေး ဆက်ဆံရေးကို မြင်ရတဲ့အခါ သား၊သမီးတို့ရင်ထဲမှာ စိတ်အင် အားပြည့်နေကာ သွက်လက်ချက်ချာခြင်း၊ ဥာဏ်ရည်ပြည့်ဝခြင်းအစရှိတဲ့ အကျိုးတရားတွေကို ရရှိစေ မှာဖြစ်ပါတယ်။ ဇနီးသည်အနေနဲ့လည်း ခင်ပွန်းသည်ရဲ့နွေးထွေးတဲ့ အကြင်နာတရားကို ရရှိတဲ့အခါ ကလေးတို့အပေါ်ကြည်လင်တဲ့ စိတ်နှလုံးနဲ့ လမ်းညွန် သွန်သင်မှုကောင်းကာ ခင်ပွန်းသည်အပေါ်လည်း များစွာ အကျိုးပြုခြင်းဘဲဖြစ်ပါတယ်။

မောင်တစ်ထမ်း၊ မယ်တစ်ရွက် လုပ်ဆောင်ကြခြင်း 


မိသားစုတစ်စုမှာ မိခင် နဲ့ဖခင်ဖြစ်သူတို့ဟာ အိမ်မှုကိစ္စတွေဖြစ်ဖြစ်၊ ဘယ်အကြောင်းအရာ ကိစ္စဖြစ်ဖြစ် မိမိနိုင်ရာနိုင်ရာကို လုပ်ဆောင်ပေးကြခြင်း၊ မိသားစုတူညီစွာ အတူတကွ အိမ်မှုကိစ္စတွေကို ဝိုင်းဝန်း လုပ်ဆောင်ကြတဲ့အခါ မိသားစုအတွင်း စည်းလုံး ညီညွတ်မှုကိုဖြစ်စေကာ ကလေးတို့အနေနဲ့လည်း စည်းလုံးညီညွတ်မှု အလေ့အထကို ရရှိစေပါတယ် ။ယောကျာင်္းအလုပ်၊ မိန်းမအလုပ် မခွဲခြားကြဘဲ ဇနီး၊ ခင်ပွန်း အတူတကွလုပ်ဆောင်ကြခြင်းဟာ မိသားစုအတွင်း မှာ မိသားစုဝင်တို့ကိုစိတ်ဓာတ်ခွန်အား တစ်ခုကိုပြည့်စေပါတယ်။

စကားအပြောအဆိုကို ထိန်းသိမ်းခြင်း 

မိမိရဲ့ခံစားချက်ကိုလိုက်ပြီး ဇနီး၊ခင်ပွန်း၊ သား၊သမီးတို့အပေါ် ထိခိုက်နာကျင်စေတဲ့ စကားကိုပြောဆို မိခြင်းဟာ ပတ်သက်နေထိုင်ရာ မိသားစုဝင် အားလုံးကို ထိခိုက်နစ်နာစေ တတ်ပါတယ်။ ငယ်ရွယ်တဲ့ ကလေးဖြစ်ပါစေ၊ သူ့အပေါ်လူသားတစ်ယောက်အနေနဲ့ လေးစားစွာပြုမူဆက်ဆံတတ်ဖို့လိုပါတယ်။ မိမိရဲ့ဇနီးဖြစ်စေ ခင်ပွန်းဖြစ်စေ၊ င့ါရဲ့ဇနီး ငါ့ရဲ့ခင်ပွန်း ငါပြောချင်သလိုပြောမယ်ဆိုတဲ့အယူအဆမျိုးတွေ ဟာ မကျင့်သုံးသင့်တဲ့ အယူအဆတွေဖြစ်ပါတယ်။ အားလုံးဟာ လူသားတွေဖြစ်တာကြောင့် လူသားဆန်စွာ ဇနီး၊ခင်ပွန်း၊ သားသမီးတွေအပေါ် လေးစားမှုတစ်ခု ထားပြီးဆက်ဆံနေထိုင်ကြခြင်းဟာ ခိုင်မာနွေးထွေးတဲ့ မိသားစုတစ်ခုကို ပိုင်ဆိုင်စေနိုင်ပါတယ်။

မိသားစုကို တန်ဖိုးထားခြင်း 

မိသားစုဆိုတာ မိမိအတွက် အရေးကြီးတဲ့အသိုက်အမြုံတစ်ခုဖြစ်ပါတယ်။ လူတွေဟာ မိသားစုအပေါ် တန်ဖိုးထားတတ်ဖို့လိုပါတယ်။ လူဆိုတာပျက်စီးခြင်းသဘာဝရှိတဲ့ ရုပ်တရားတွေ ကိုပိုင်ဆိုင်ထား တာကြောင့် အချိန်မရွေးပျက်စီးနိုင်ခြင်း၊ အိုမင်းရင့်ရော်ခြင်း၊ မကျန်းမမာဖြစ်ခြင်းအစရှိတဲ့ ဆင်းရဲ ဒုက္ခတို့ကို မလွဲအသွေခံစားကြရပါတယ်။ ရောဂါကင်းစင်နေစဉ်၊ ငယ်ရွယ်နုပျိုနေစဉ်မှာ သတိမေ့လျော့နေ တတ်ကြပေ မယ့် အိုမင်းလာချိန်မှာ၊နာမကျန်းဒုက္ခဖြစ်ချိန်မှာ သဘောပေါက်နားလည်လာတတ်ကြပါတယ်။ ခက်ခဲ ပင်ပန်းနေတဲ့အချိန်မှာ မိမိကိုပြုစုစောင့်ရှောက်ပေးနိုင် သူတွေဟာ မိမိရဲ့မိသားစုဝင်တွေ ဘဲဖြစ် ပါတယ်။ ဒါကြောင့် မိသားစုကိုတန်ဖိုးထားခြင်းဟာ မိမိဘဝကို တန်ဖိုးထားခြင်းဖြစ်ပြီး နောင်ရေး မှာ အေးချမ်းမှုကိုရရှိစေမှာဖြစ်ပါတယ်။

Yangon Life
--------------------------------------
ကိုမျိုး(သုတစွယ်စုံ)(lwanmapyay.blogspot.comFacebook Page Twitter Google+

0 comments:

Post a Comment