Thursday, July 30, 2015

သင့်ကလေးကို နေ့တိုင်းမေးသင့်သော စကား ( ၄ ) ခွန်း

ကလေး ကျောင်းကပြန်လာရင် အချိန်ယူပြီး စ်ိတ်ပါ ၀င်စားစွာနဲ့ သင့်ကလေးကို အောက်ပါမေးခွန်း ( ၄ ) ခု နဲ့ နေ့တိုင်း ဆွေးနွေးကြည့်ပါ။ ရက်တွေကြာ လာတာနဲ့ အမျှ အလွန် အကျိုးရှိတာကို သင်တွေ့ရှိ လာပါ လိမ့်မည်။ ဒီနေရာမှာ “သား”လို့သုံးထားပေမဲ့ “သမီး” ရှင်အတွက်လည်း ပါဝင်ပါတယ်။

၁။ ကျောင်းမှာ သားဘာစိတ်ဝင်စားစရာတွေ ကြုံတွေ့ခဲ့သလဲ 

ဒီမေးခွန်း ဟာ သင့်ကလေးရဲ့ တန်ဖိုးအမြင်ကို တိုင်းတာဖို့ပါ။ သူ့ရဲ့ အတွင်းစိတ်ထဲမှာ ဘယ်အရာတွေကို အကောင်းဟု သပ်မှတ်ပြီး ဘယ်အရာများကိုတော့ အဆိုးသပ်မှတ်ထားပါသလဲ၊ ဘာကြောင့်အဲလို မြင် တာလဲ။ မိဘတွေသိဖို့ လိုပါတယ်။ အဲဒါသိသွားရင် ကလေးရဲ့ စိတ်လမ်းကြောင်း ကို ကူညီလမ်းညွန် ဖို့ နည်းလမ်းရှာတွေ့သွားပါတယ်။

၂။ ဒီကနေ့ သားဘာကောင်းတာတွေ လုပ်နိုင်ခဲ့သလဲ

ကောင်းမူတစ်ခု နေ့စဉ်ပြုခိုင်းတာပါ။ အားပေးတဲ့မေးခွန်းလည်းဖြစ်ပါတယ်။ ကလေးရဲ့ မိမိကိုယ်မိမိ ယုံကြည်ချက် တိုးပွားစေတဲ့ မေးခွန်းမျုိုးပါ။ သားဒီနေ့ ကျောင်းမှာ ဘာလုပ်ခဲ့သလဲ၊ အဲဒီလုပ်ခဲ့တဲ့ အရာ ဘယ်လိုကောင်းသလဲ ရှင်းပြခိုင်းတာပါ။

၃။ ဒီနေ့ သား ဘာတွေ အသိတိုးပြီး ဘာတွေ ရလိုက်သလဲ

ဘယ်ဘာသာတွေ ကို ဘယ်လိုသင်ယူခဲ့ သလဲ ဆိုတဲ့ မေးခွန်းမျိုးပါ။ သွယ်ဝိုက်မေးတဲ့ သဘောပါ။ သင်ခဲ့တဲ့ ဘာသာအကြောင်းအရာတွေကို တာဝန်ကျေပြီ ၊ သင်ပြီးပြီးရော ဆိုတဲ့သဘောမျိုးဖြင့်မဟုတ်ပဲ တစ်ခုခု အသိတိုးလိုက်တယ်။ တစ်ခုခု ရလိုက်တယ်ဆိုတဲ့ တန်ဖိုးအမြင် ၀င်လာအောင် ပြုစု ပျိုးထောင်တဲ့ မေး ခွန်းမျိုးပါ။ သင်ခဲ့တဲ့ အကြောင်းအရာတွေကို ပြန်လည် စမ်း စစ်ခိုင်းရာလည်း ရောက်ပါတယ်။ အတန်းထဲမှာ ပိုမိုဂရုစိုက်လာအောင် သွယ်ဝိုက်ပြီး အားပေးရာလည်း ရောက်ပါတယ်။

၎။ ဖေဖေ ( သို့ )မေမေ ဘာကူညီပေးရမှာလဲ

ငါတို့မင်းကို အရမ်းချစ်တယ်။ မင်းရဲ့ နောက်မှာ အမြဲရှိတယ်။ အကြောင်းအကျိုး နဲ့ ညီညွတ်ရင် မင်းကို ကူညီဖို့ အသင့်ရှိတယ်။ကိုယ်တိုင်ကြိုးစားရမှာက မင်းရဲ့ တာဝန်ဖြစ်တယ်။ မိဘရဲ့ အချစ်ကို ပြသတဲ့ အပြင် သားသမီးကိုလည်း ကိုယ့်တာဝန်ကို သိစေတဲ့ မေးခွန်းဖြစ်ပါတယ်။
မိဘများ အတွက် အသုံးဝင်နိုင်ပါစေ ။

Ref: Wechat
Aung Ko Latt
--------------------------------------
ကိုမျိုး(သုတစွယ်စုံ)(lwanmapyay.blogspot.comFacebook Page Twitter Google+

0 comments:

Post a Comment