Sunday, January 10, 2016

တောင်ကိုးရီးယားလူမျိုးတွေဟာ ထမင်းစားရင် ဘာလို့ ထမင်းကိုပန်းကန်လုံးလေးတစ်လုံးစာကိုပဲ ထည့်စားပါသလဲ...?

Moe Nat Minn

တောင်ကိုးရီးယားလူမျိုးတွေဟာ ထမင်းစားရင်
ဘာလို့ ထမင်းကိုပန်းကန်လုံးလေးတစ်လုံးစာကိုပဲ ထည့်စားပါသလဲ...?
================================================
>< ဆိုင်တွေမှာရောင်းရင်လည်း ထမင်းတစ်ပွဲစာဟာ
တစ်လုပ်စာသာသာမျှသာရှိတဲ့ ပန်းကန်လုံးလေးတစ်လုံးစာပဲ ရှိပါတယ်။
>< ဒါဟာဘာလို့လဲဆိုရင် ကိုးရီးယားတွေဟာ ထမင်းကို အရမ်းတန်ဖိုးထားလို့ပါ။
ဒီပန်းကန်လုံးလေးထဲကထမင်းဟာ လူတစ်ယောက်အတွက် အကုန်မစားနိုင်စရာ
အကြောင်းမရှိပါဘူး။ အရမ်းဗိုက်ဆာနေလို့ ဒီလိုထမင်း ဆယ်လုံးစားရင်လည်း သူတို့
မငြိုငြင်ပါဘူး။ သူတို့စိုးရိမ်တာက ထမင်းကိုမကုန်ဘဲ လွှင့်ပစ်မှာကိုစိုးလို့ပါ တဲ့။
>< တောင်ကိုးရီးယားနိုင်ငံသားတွေဟာ ထမင်းလွှင့်ပစ်တတ်တဲ့လူတွေကို
မျက်စောင်းထိုးပါတယ်။ မျက်စောင်းထိုးတယ်ဆိုတာ ကိုးရီးယားနိုင်ငံသားတွေ
တော်ရုံတန်ရုံအပြစ်မျိုးကို ကျူးလွန်ရင်တောင် မျက်စောင်းမထိုးတတ်ပါဘူး။
မျက်စောင်းထိုးခံရတဲ့လူဟာ အင်မတန်ဒေါသထွက် အမြင်ကတ်စရာကောင်းတဲ့လူပါ။
ဒါ့ကြောင့် ကိုးရီးယားနိုင်ငံသားတွေဟာ လူတစ်ယောက်ယောက်က မျက်စောင်းထိုးပြီး
ကြည့်မှာကို အလွန်အင်မတန် စိုးရိမ်ကြပါတယ်။
>< ကိုးရီးယားနိုင်ငံသားတွေ ထမင်းကိုတန်ဖိုးထားရတဲ့ အကြောင်းအရင်းကိုပြောပါမယ်
ကိုးရီးယားနိုင်ငံဟာ ၁၉၄၅ခုနှစ်က ဂျပန်လက်အောက်က လွတ်လပ်ရေးရခဲ့တာပါ။
ဂျပန်လက်အောက်မှာ အဖိနှိပ်ခံဘဝနဲ့ အစာရေစာငတ် ဆင်းဆင်းရဲရဲနေခဲ့ကြရပါတယ်။
ထမင်းအစား ပြောင်းဆန်များကိုပြုတ်ပြီး စားကြရပါတယ်။ ဒါ့ကြောင့် ခုချိန်ထိ ဂျပန်ဆိုရင်
စိတ်ထဲမှာ အသေမုန်းပါတယ်။ ကိုးရီးယားနိုင်ငံဟာ ၁၅ ရက် ၈လ ၁၉၄၅ ခုနှစ်က ဂျပန်
တွေရဲ့လက်အောက်က လွတ်မြောက်ခဲ့တာဖြစ်ပြီး မြန်မာနိုင်ငံထက် ၂ နှစ်ကျော်စောပြီး
လွတ်လပ်ရေးရခဲ့တာဖြစ်ပေမယ့် တိုင်းပြည်ဟာ လုံးဝမငြိမ်းချမ်းခဲ့ပါဘူး။
တောင်နဲ့မြောက် သဘောထားကွဲလွဲမှုတွေဖြစ်လာပြီး လွတ်လပ်ရေးရပြီး ၅ နှစ်အကြာ
၁၉၅၀ ခုနှစ်မှာတော့ တောင်နဲ့မြောက်စစ်ပွဲ စတင်ပါတော့တယ်။ ၁၉၅၀ ခုနှစ်ကနေ
၁၉၅၃ခုနှစ်ထိ ၃ နှစ်ဆက်တိုက် စစ်တွေအပြန်အလှန်တိုက်လိုက်ကြတာ နဂိုကတည်း
ကမှ ဆောင်းရာသီဆို ဘာအပင်မှမဖြစ်ထွန်းတဲ့ကြားက နိုင်ငံစစ်ကြောင့် ဘာဆန်စပါးမှ
မစိုက်ပျိုးရဲ စိုက်ပျိုးမြေလည်းနည်းပါးတဲ့နိုင်ငံမှာ လူတွေအကုန်လုံး မြက်ခြောက်စားရ
တော့မယ့်ဘဝကို ရောက်လာပါတော့တယ်။
>< ဒါတွေကိုမကြည့်ရက်တော့လို့ နိုင်ငံတစ်ကာက ဆန်စပါးတွေ ထောက်ပံ့တာ
ကျွန်တော်တို့မြန်မာနိုင်ငံကလည်း စပါးတင်းသိန်းပေါင်းများစွာ အကူညီပေးခဲ့ပါတယ်။
ဒါ့ကြောင့်လည်း ကိုးရီးယားနိုင်ငံရဲ့ လွတ်လပ်ရေးနေ့တွေမှာ အလံတွေစိုက်ထူရင်
မြန်မာနိုင်ငံအလံလည်း ကျေးဇူးရှင်နိုင်ငံအဖြစ် အခုချိန်ထိသတ်မှတ်ပြီး စိုက်ထူထားလေ့
ရှိပါတယ်။
>< ဒီလို တိုင်းပြည်တစ်ခုလုံး အငတ်ဘဝကိုကျရောက်ခဲ့ဖူးတော့ ထမင်းတစ်လုံး
ထမင်းတစ်လုပ်ရဲ့တန်ဖိုးကို ကိုးရီးယားနိုင်ငံသားတွေက ပိုပြီးတန်ဖိုး သိတတ်ကြတာပါ။
အခုတော့ စိုက်ပျိုးမြေတွေတိုးချဲ့ အထွက်တိုးစေတဲ့နည်းပညာကောင်းတွေနဲ့ နိုင်ငံခြား
အထိ ဆန်တွေတင်ပို့နိုင်ခဲ့ပါပြီ။ ဒါပေမယ့် သူတို့တွေဟာ ထမင်းတစ်လုပ် ဆန်တစ်စေ့ရဲ့
တန်ဖိုးကို မမေ့ပစ်ကြပါဘူး။ အလဟသတ်မဖြစ်အောင် မလွှင့်ပစ်ရအောင် စီမံပြုလုပ်
ကြပါတယ်။ ဒါတွေဟာ အတုယူစရာပါ။
>< ကျွန်တော်တို့မြန်မာနိုင်ငံမှာ ဆန်စပါးပေါကြွယ်ဝပြီး စိုက်ပျိုးမြေတွေပေါများတာနဲ့
ဆန်စပါးချမ်းသာကြလို့ သိပ်ပြီး တန်ဖိုးမထားချင်ကြဘူး။ ထမင်းဆိုလည်း လိုတာထက်
ပိုပြီး ထမင်းပန်းကန်အကြီးကြီးထဲထည့် စားမကုန်ရင် အလွယ်တစ်ကူ လွှင့်ပစ်တတ်ကြ
တာက ကလေးကအစ လူကြီးတွေအဆုံးပါပဲ..။
>< ကိုးရီးယားတစ်ယောက်က ပြောဖူးတာကတော့ ...
ဒီထမင်းပန်ကန်လုံးသေးသေးလေးတွေကိုမြင်တိုင်း ငါတို့စိတ်ထဲမှာ မခံချင်စိတ်တွေ
ကြိုးစားချင်စိတ်တွေ ဖြစ်ပေါ်လာတယ်တဲ့ ။
ဗဟုသုတအနေနဲ့ ကြားဖူးနားဝရှိသလောက် တင်ပြတာပါ
ကောင်းတဲ့အယူအဆဆို အတုယူနိုင်ကြပါစေ...။
@ဒဿ
Credit to - တောင်ကိုးရီးယားနိုင်ငံရောက် ဘဲချောချောလေးများ
မောင်(စွယ်စုံကျမ်း)...............မှ
( ဒီနေရာမှာ စကားလေးကြုံလို့ ပြောရမယ်ဆိုရင် ဦးမိုးနတ်ရဲ့ မိတ်ဆွေတစ်ယောက်
ပြောပြဖူးတာလေးကို ထပ်ဆင့်ပြောပြရမယ်ဆိုရင်... ဦးမိုးနတ်ရဲ့မိတ်ဆွေ သင်္ဘောသား
ဘဝနဲ့ လွန်ခဲ့တဲ့ ဆယ့်လေးငါးနှစ်လောက်က သီရိလင်္ကာနိုင်ငံရဲ့မြို့တော် ကိုလံဘိုကို
ရောက်သွားခဲ့ချိန်မှာ အချိန်အားရလို့ မြို့ထဲထွက်လည်ရင်း စွယ်တော်သွားဖူးပေမယ့်
အချိန်ကနှောင်းသွားတော့ စွယ်တော်တိုက်က ပိတ်သွားခဲ့ပါပြီ။ အဲဒီနေရာမှာ ရှိနေတဲ့
ဂေါပကလူကြီးတွေကလဲ ပိတ်ချိန်ရောက်လို့ ပိတ်လိုက်ပြီမို့ နောက်နေ့မှ လာဖူးပါလို့ပြော
နေရင်း တခြားနိုင်ငံက လူတွေမှန်းသိလို့ မင်းတို့ ဘယ်နိုင်ငံကလာတာလဲလို့ မေးပါတယ်။
အဲဒီအခါ ဦးမိတ်ဆွေကလဲ မြန်မာနိုင်ငံက လာတာပါလို့လဲပြောရော...
လာလာ ဆိုပြီးတော့ ပိတ်ထားတဲ့ စွယ်တော်တိုက်တံခါးကို သော့ဖွင့်ပေးပြီး ဝင်ဖူးခိုင်းပါ
တော့တယ်... အံ့အားသင့်နေတဲ့ ဦးမိတ်ဆွေကို ဂေါပကလူကြီးပြောတာက...
“ငါတို့နိုင်ငံမှာ ဆန်စပါးရှားပါးလို့ အငတ်ဘေးကြုံနေတဲ့အချိန်မှာ မင်းတို့မြန်မာနိုင်ငံက
ဆန်တွေလှူခဲ့တာကို ငါတို့ မမေ့သေးပါဘူးကွာ” တဲ့လေ....
“ကိုယ်ပြုသောကံ ပဲ့တင်သံ ကိုယ့်ထံပြန်လာမည်” လို့ ဦးကျော်သူ မကြာခဏပြောဖူးတဲ့
စကားလေးလိုပါပဲ။ ကောင်းသောအမှုကို လူတိုင်းပြုနိုင်ကြပါစေ...
မိုးနတ်မင်းရဲ့ ဗဟုသုတစာပေ ချစ်မြတ်နိုးသူတွေအားလုံး ကိုယ်ရောစိတ်ပါ
ကျန်းမာ ချမ်းသာနိုင်ကြပါစေလို့...
မေတ္တာဖြင့် -
(မိုးနတ်မင်း)
‪#‎MNM0012‬

0 comments:

Post a Comment