Ad Code

Responsive Advertisement

ပြောမထွက်သော စကားများ

ဘဝအတွက်ခွန်အားဖြစ်စေသောစာတိုလေးများ's photo.
သားသမီးဆိုတာ ရေချိုးပေးတဲ့အမေကိုသာ ချစ်တက်ကြတာ စဥ့်အိုးထဲ ရေအပြည့်ဖြည့်ပေးထားတဲ့ ဖခင်တွေကို ချစ်ရကောင်းမှန်း မသိကြပါဘူး။
သရက်သီးခူးကျွေးတဲ့ သူ့အမေကိုသာ ကျေးဇူးတင်လိုက်ကြတာ။ ချစ်လိုက်ကြတာ။ ဒီသရက်ပင်ကို မိုးထဲရေထဲ ရွှံဗွက်ထဲမှာ အအေးမိခံပြီးစိုက်ပျိုးပေးခဲ့တဲ့ အဖေတွေရဲ့ နှလုံးသားကိုတော့ နားမလည်ကြဘူး။
သားသမီးတွေက အမေရဲ့နို့ဖိုးကိုသာမြင်လွယ်ကြတာ။ ဖခင်တွေရဲ့ချွေးဖိုးကိုတော့ တန်ဖိုးထားရကောင်းမှန်းမသိကြပါဘူး။
ထီးမိုးပေးတဲ့ အမေ့ရဲ့မေတ္တာကိုတော့ သိတက်လိုက်ကြတာ။ လုံခြုံနွေးထွေးတဲ့ဘဝကို ဖန်တီးပေးတဲ့ ဖခင်တစ်ယောက်ရဲ့ ချစ်ခြင်းမေတ္တာကိုတော့ မသိကြဘူး ,မမြင်ကြဘူး။
သောက်ရေအိုးထဲက ရေအေးအေးခပ်တိုက်တဲ့အမေ့ကိုတော့ ချစ်ကြတယ်။ အဲဒီသောက်ရေအိုးထဲကို ရေအပြည့်ဖြည့်ပေးထားတဲ့ အဖေ့စေတနာကိုတော့ လျစ်လျူရှုထားကြတယ်။
ပန်းပန်ပေးတဲ့ မိခင်ရဲ့ အချစ်ကိုသာ ခံစားတက်ကြတာ။ ပန်းကလေးတွေ ပွင့်လာအောင် ရေလောင်းပေါင်းသင်ပြီး ပျိုးပေးရတဲ့ ဖခင်ရဲ့ ချစ်ခြင်းမေတ္တာကိုတော့ သူတို့လေးတွေ မခံစားတက်ကြဘူး။
အိမ်ရှင်မတွေက သူတို့ပြောချင်တဲ့စကားတွေကို တိုက်ရိုက်မပြောဘူး။ သားသမီးတွေကို သွေးထိုးပေးတယ်။ သားသမီးတွေက တစ်ဆင့် ပြောခိုင်းတယ်။ ဒီလိုနဲ့ သားသမီးတွေက အဖေတွေကို မုန်းသွားကြတယ်။ မုန်းအောင်သင်ပေးနေတာတော့ မဟုတ်ဘူး။ မချစ်တက်အောင် သင်ပေးသလိုဖြစ်နေတယ်။
``မိကောင်းဖခင်´´ ဆိုတဲ့စကားကို အိမ်က မိန်းမတွေ သဘောပေါက်သင့်တယ်။ မိကောင်းဖခင်ဆိုတာ ``မိခင်ကောင်းမှ အဖကိုခင်တယ်´´ လို့ဆိုလိုတာ။ အဖကို မခင်တွယ်တဲ့သားသမီးဖြစ်နေရင် အဲဒီသားသမီးရဲ့ မိခင် မကောင်းလို့ပဲ။ မိခင်တွေတင် မဟုတ်ပါဘူး။ ဖခင်တွေဟာလည်း သားသ္မီးရဲ့ ချစ်ခြင်းကို ခံချင်ကြတယ်ဆိုတာကိုပါ။
(ဆရာဦးဘုန်း{ဓာတု} - သံစဉ်များနဲ့ကမ္ဘာစာအုပ်မှ)

Post a Comment

0 Comments

Close Menu