Sunday, February 28, 2016

စစ်တွေတွင် န၀မတန်း မေးခွန်းပေါက်ကြား၍ ၄ နာရီကြာ နောက်ဆုတ်၍ စာမေးပွဲစစ်ဆေးခဲ့ရ


စစ်တွေ၊ ဖေဖော်ဝါရီ ၂၇

စစ်တွေမြို့တွင် ယနေ့ စစ်ဆေးခဲ့သော န၀မတန်းစာမေးပွဲ ကို မေးခွန်းများ ပေါက်ကြားသွားခဲ့သဖြင့် အချိန် ၄ နာရီ နောက်ဆုတ်ပြီး စစ်ဆေးခဲ့ရသည်ဟု သတင်း ရရှိသည်။

ပေါက်ကြားခဲ့သော ဘာသာရပ် နှစ်ခုမှာ ဇီဝဗေဒနှင့် ဘောကဗေဒ ဘာသာ ရပ်များ ဖြစ်ကြောင်း သိရသည်။

ယင်းသို့ပေါက်ကြားခဲ့သည့်အတွက် မူလမေးခွန်းဖြင့် စာမေးပွဲ မစစ်ဆေးတော့ဘဲ အရန် မေးခွန်းလွှာဖြင့် အစားထိုးစစ်ဆေးခဲ့ရပြီး စာမေးပွဲကိုလည်း ပုံမှန်စစ်ဆေးနေသည့် နံနက် ၉ နာရီတွင် မစစ်ဆေးခဲ့ဘဲ နေ့လယ် ၁နာရီသို့ ပြောင်းလဲ စစ်ဆေးခဲ့ရကြောင်း စစ်တွေမြို့နယ် ပညာရေးမှူးရုံးမှ သိရသည်။

ယခုကဲ့သို့ ဘာသာရပ် နှစ်ခု မေးခွန်းပေါက်ကြားခဲ့ခြင်းမှာ ဟုတ်မှန်ကြောင်းနှင့် စစ်ဆေးမှုများ စတင် ပြုလုပ်တော့မည် ဖြစ်ကြောင်း စစ်တွေ မြို့နယ်ပညာရေးမှူး ဦးသန်းကျော်က နိရဉ္စရာသို့ အတည်ပြု ပြောကြားသည်။

စစ်တွေမြို့နယ်အတွင်း ဖေဖော်ဝါရီလ ၂၂ ရက်နေ့မှ စတင်စစ်ဆေးလျက်ရှိသော နဝမတန်း စာမေးပွဲ နောက်ဆုံးနေ့ ဖြစ်သည့် ဖေဖော်ဝါရီလ ၂၇ ရက်(ယနေ့)တွင် ဖြေဆိုမည့် ဇီဝဗေဒ ဘာသာရပ်နှင့် ဘောဂဗေဒ ဘာသာရပ်မေးခွန်းတို့မှာ ဖေဖော်ဝါရီ ၂၆ ရက်နေ့ ညနေ ၈ နာရီခန့်မှစတင်ကာ အွန်လိုင်းများတွင် ပေါက်ကြားမှုဖြစ်ပွားခဲ့သည်ဟု သိရသည်။

“ကျွန်တော်တို့ ဒါကို မနက်ဖြန်မှ စတင်စုံစမ်းစစ်ဆေးမှာပါ။ ဒီနေ့တော့ ကြီးကြပ်ရေးမှူးတွေနဲ့ ပြည်နယ်မှူးနဲ့ မျက်နှာစုံညီတွေ့ဆုံပြီး ဘယ်ကနေ ဘယ်လို ပေါက်ကြားတယ်ဆိုတာ သတင်းယူ နေတုန်းပါ” ဟု ဦးသန်းကျော်က ဆိုသည်။

စုံစမ်းစစ်ဆေး၍ တွေ့ရှိပါက ကျူးလွန်သူကို ဌာနဆိုင်ရာ စည်းမျဉ်းစည်းကမ်းများအတိုင်း ဆက်လက်အရေးယူဆောင်ရွက် သွားမည်ဟုလည်း ဦးသန်းကျော်က ဆက်ပြောသည်။

“ကျနော်တို့က ၂၂ ရက်နေ့စစ်မယ့်မေးခွန်းဆိုရင် ၂၁ ရက်နေ့ကနေ စပြီး ကျောင်းတိုင်းကို ပို့ထားပါတယ်။ ဒါကြောင့် အခုကိစ္စ ဟာလည်း ကျောင်းတစ်ကျောင်းကနေ စပြီး ပေါက်ကြားတာ ဖြစ်နိုင်ပါတယ်” ဟု စစ်တွေမြို့နယ် ပညာရေးမှူး ဦးသန်းကျော်က သုံးသပ် ပြောဆိုသည်။

ယခုကဲ့သို့ မေးခွန်းလွှာပေါက်ကြားခဲ့မှုအပေါ် စစ်တွေမြို့ပေါ်မှ အမည်မဖော်လိုသည့် အထက်တန်းပြကျောင်းဆရာတစ်ဦးက "ဒီမေးခွန်းက ကျောင်းအလိုက် လုပ်ပြီး စစ်ဆေးတာမဟုတ်ဘဲ မြို့နယ်အလိုက်လုပ်တာဖြစ်တဲ့အတွက် မြို့နယ်ပညာရေးဌာနမှာ အဓိက တာဝန်ရှိပါတယ်"ဟု သူ့အမြင်ကို ပြောသည်။

စစ်တွေမြို့နယ်အတွင်း န၀မတန်းစာမေးပွဲကို စာစစ်ဌာန ၁၆ ခုဖြင့် စစ်ဆေးလျက်ရှိရာ စာမေးပွဲ ဖြေဆိုနေသည့် ကျောင်းသူ/သားဦးရေ ၂၄ဝဝ ကျော်ရှိကြောင်း မြို့နယ်ပညာရေးမှူးရုံးမှ သိရသည်။

Arakan State
https://www.facebook.com/NarinjaraNews/

0 comments:

Post a Comment