ကျွန်းစုမြို့နယ် စခန်းသစ်ကျေးရွာအုပ်စု၊ တောင်ပြိုကျေးရွာ တွင် နေအိမ် (၅၉)အိမ် မီးလောင်၍ လူတစ်ဦးသေဆုံး
ကျွန်းစု၊ မတ် ၁ကျွန်းစုမြို့နယ်၊ စခန်းသစ်ကျေးရွာအုပ်စု၊ တောင်ပြိုကျေးရွာတွင် မတ်လ (၁)ရက်နေ့ ည ၁၀နာရီခွဲ အချိန်ခန့်က တောင်ပြိုကျေးရွာနေ ဦးအာဇိ၏ နေအိမ် ကုန်စုံဆိုင်မှ မီးစတင်လောင်ကျွမ်း၍လူနေအိမ် (၅၉)လုံးမီးလောင်ကျွမ်း ကာ လူတစ်ဦးသေဆုံး သွားကြောင်းသိရှိရသည်။
ဖြစ်စဉ်မှာတောင်ပြိုကျေးရွာနေဦးအာဇိကုန်စုံဆိုင်မှ နေအိမ်တွင် မီးစက် ခုတ်မောင်း ထားရာမှ မီးစက်ရေပိုက်ပြုတ်ကျကာအပူလွန်ကဲ ကာ အိပ်ဇော ပိုက်မှ ထွက်ရှိလာသောမီးပွားများမှတဆင့် အမိုးမိုးထားသော ဓနိဖက်များ အားမီးလောင်ကျွမ်းကာ ၎င်းမှတဆင့် မီးစက်မောင်းသည့် ဆီပုံးအားကူးစက်၍ မီးလောင်ကျွမ်းမှုဖြစ်ပွားခဲ့ကြောင်းသိရသည်။
မီးလောင်ကျွမ်းမှုကြောင့် ဦးအာဇိနေအိမ်တွင် နေထိုင်လျက် ရှိသောဦးမန်လာ မှာအိပ်ပျော်နေစဉ် မီးလောင်ကျွမ်းခံရပြီးသေဆုံးခဲ့ကြောင်းနှင့် အိမ်ခြေ(၅၉) လုံးမှ လူဦးရေ(၃၃၀)ဦးမီးဘေးသင့်ခဲ့ပြီးအဆိုပါကျေးရွာသည် ကျွန်းစုမြို့နယ် မှ ရေမိုင်(၃၅)ခန့် ကွာဝေးရှိပြီး ရေလယ်ကျွန်းရွာတစ်ရွာဖြစ်၍ အိမ်ခြေ (၁၂၀) ခန့်ရှိကြောင်းသိရှိရသည်။ရန်နိုင် (ကျွန်းစု ပြန်/ဆက်)MOI Webportal Myanmarhttps://www.facebook.com/MOIWebportalMyanmar
0 Comments
You are welcome to share your ideas with us in comments! (မှတ်ချက်များပေးရာတွင် သင်၏အကြံဉာဏ်များကို ကျွနိုပ်တို့နှင့် မျှဝေရန် ကြိုဆိုပါသည်။)
Emoji