Wednesday, March 9, 2016

လိပ်ခေါင်းကို ပိုဆိုးစေနိုင်သည့် အစာများ

Healthy Life Journal
9 hrs
လိပ်ခေါင်းကို ပိုဆိုးစေနိုင်သည့် အစာများ
လိပ်ခေါင်းစဖြစ်နေချိန်နဲ့ လိပ်ခေါင်းကြောင့် နာကျင်နေချိန်တွေမှာ တချို့အစာတွေက လိပ်ခေါင်း ရောင်ရမ်းမှုနဲ့ နာကျင်မှုကို ပိုဆိုးစေနိုင်ပါတယ်။
 ပြုပြင်ထားသော အစာများ
တချို့အာဟာရဓာတ်တွေနဲ့ ဓာတုပစ္စည်းအများစုပါတဲ့ ပြုပြင်ထားတဲ့ အစာတွေက လိပ်ခေါင်းကို ပိုဆိုးစေနိုင်ပါတယ်။ အကြောင်းကတော့ အဲဒီပြုပြင်ထားတဲ့ အစာတွေထဲက ဓာတုပစ္စည်းအများစုဟာ
ရောင်ရမ်းမှုကို ပိုဆိုးစေပြီး လိပ်ခေါင်းကို ပိုထိခိုက်စေပါတယ်။
 ဆားကဲသော အစာများ
ဆိုဒီယမ် ပါဝင်မှုများတဲ့ အစာတွေကို စားတာ ကြောင့် သင့်ကျန်းမာရေးကို ထိခိုက်စေနိုင်တယ်ဆို တာ သင် သိပြီးဖြစ်မှာပါ။ လိပ်ခေါင်းဖြစ်နေချိန်မှာ ဆားကဲတဲ့ အစာတွေကို ရှောင်သင့်ပါတယ်။ ဆားများတဲ့ အစာတွေကို စားလွန်းရင် ရေဓာတ်ခမ်းခြောက်မှု နဲ့ ၀မ်းချုပ်စေနိုင်ပါတယ်။ ဒါ့အပြင် လေပွစေတဲ့အတွက် လိပ်ခေါင်းကို ပိုဆိုးစေနိုင်ပါတယ်။
 နို့နှင့် နို့ထွက်ပစ္စည်းများ
နို့နဲ့ နို့ထွက်ပစ္စည်းတွေကို များများစားရင် ၀မ်း (မစင်) ပမာဏ ကြီးစေတဲ့အတွက် လိပ်ခေါင်းဖြစ်နေချိန် ၀မ်းသွားတဲ့အခါ မသက်မသာ ဖြစ်စေနိုင်ပါ တယ်။
 ပူစပ်သော အစာများ
လိပ်ခေါင်းဖြစ်နေချိန်မှာ ပူစပ်တဲ့ အစာတွေကို မစားသင့်ပါဘူး။ အထူးသဖြင့် သွေးထွက်တဲ့ လိပ်ခေါင်းဖြစ်နေချိန်မှာ
ပူစပ်တဲ့ အစာတွေကို စားရင် ပိုပြီး ပူစပ်ပူလောင်ဝေဒနာ ဖြစ်တတ်ပါတယ်။
 မမှည့်သော သစ်သီးများ
မမှည့်တဲ့ သစ်သီး စားတာကြောင့် လိပ်ခေါင်းကို ပိုဆိုးစေနိုင်ပါတယ်။ မမှည့်တဲ့ သစ်သီး (ဥပမာ ငှက်ပျောသီး) စားတာကြောင့် ၀မ်းပိုချုပ်စေနိုင်လို့ပါ။
 အရက်
လိပ်ခေါင်းကြောင့် နာကျင်နေချိန်အတွင်း
အရက်သေစာတွေကို ရှောင်ရှားသင့်ပါတယ်။ အရက် သောက်တာကြောင့် ရေဓာတ်ခမ်းခြောက်စေပြီး
ဝမ်းပိုချုပ်စေနိုင်ပါတယ်။ အရက်သေစာ သောက်စားရင် အစာခြေလမ်းကြောင်းစနစ်ကို ထိခိုက်စေပြီး အူလှုပ်ရှားမှုကို ပိုခက်ခဲစေနိုင်လို့ပါ။
 ကော်ဖီ
အရက်သေစာတွေလိုပဲ ကော်ဖီများများ သောက်ရင်
ရေဓာတ်ခမ်းခြောက်နိုင်ပါတယ်။ ရေဓာတ်ခမ်းခြောက်မှုက လိပ်ခေါင်းဖြစ်ဖြစ်၊ မဖြစ်ဖြစ် မကောင်းတဲ့ အခြေအနေပါ။ လိပ်ခေါင်းဖြစ်နေချိန် ကော်ဖီများများသောက်ရင်
ရေဓာတ်ခမ်းခြောက်ပြီး ၀မ်းချုပ်စေနိုင်ပါတယ်။
လရိပ်မေ ‪#‎HealthyLifeJournal‬
(Healthy Life ဂျာနယ် အမှတ် (၂၂) တွင် ပါရှိသည့်
ကျန်းမာရေးဆောင်းပါးကို အများပြည်သူ အကျိုးရှိစေရန်အတွက် ပြန်လည် ဖော်ပြပေးလိုက်ပါသည်)

0 comments:

Post a Comment