Saturday, April 9, 2016

အိန္ဒိယရှေးဟောင်းဘုရားကျောင်းထဲ အမျိုးသမီးများ ၀င်ခွင့်ရပြီ

Untitled-1 copy

အိန္ဒိယနိုင်ငံ အနောက်ပိုင်းက မဟာရက်ထြာ ပြည်နယ်မှာ ရှေးဟောင်း ဘုရားကျောင်းထဲ အမျိုးသမီးတွေကို ၀င်ခွင့်ပြုလိုက်ပြီ ဖြစ်ပါတယ်။
ရှာနီ ရှင်နပွား ဘုရားကျောင်းမှာ နှစ်ပေါင်း ရာချီရှိလာတဲ့ အစဉ်အလာကို ပြောင်းလဲလိုက်တာဖြစ်ပါတယ်။
နိုဝင်ဘာလကစလို့ ဘုရားကျောင်းထဲကို အမျိုးသမီးတွေကိုလည်း ၀င်ခွင့်ပြုဖို့ လှုပ်ရှားမှုတွေ ပေါ်ပေါက်ခဲ့ပြီး မတ်လ ၃၁ ရက်နေ့မှာ ဘုံဘေ အထက်တရားရုံးက ကျားမ မခွဲခြားဘဲ အားလုံးကို ၀င်ခွင့်ပြုဖို့ အမိန့်ချခဲ့ပါတယ်။
ဧပြီ ၈ ရက်နေ့မှာတော့ အမျီုးသမီးတွေကို စပြီး တံခါး ဖွင့်ပေးလိုက်ပါတယ်။ ဘာသာရေးမှာ အမျိုးသမီးတွေလည်း အမျိုးသားများနည်းတူ တန်းတူ အခွင့်အရေးရဖို့ လှုပ်ရှားမှုကို ဦးဆောင်ခဲ့တဲ့  ထရပ်တီ ကိုယ်တိုင်လည်း ပထမဆုံး နေ့မှာပဲ ဘုရားကျောင်းကို ရောက်လာပါတယ်။
ဘာသာရေးမှာ အမျိုးသားနဲ့ အမျိုးသမီး တန်းတူ အခွင့်အရေးပေးဖို့ သူက စလိုက်တဲ့ လှုပ်ရှားမှုဟာ အခုဆိုရင် ကျယ်ပြန့်နေပါပြီ၊ အဓိအား ဖြင့် ဘုရားကျောင်းတွေမှာ ဘုရားဖူးခွင့် ကို ကျားမ ခွဲခြားထားတာဟာ မဖြစ်သင့်တဲ့ ကိစ္စလို့ ထရပ်တီက ပြောပါတယ်။

0 comments:

Post a Comment