Saturday, May 14, 2016

ထိုင်းရှိ မြန်မာအလုပ်သမား ၅သောင်းကျော် အထိနေရပ်ပြန်


ထိုင်းနိုင်ငံအစိုးရမှ တရားမ၀င်ငါးဖမ်းလှေကို လိုက်လံဖမ်းဆီးခဲ့ပြီးသည့်နောက်ပိုင်း စမွန်စာခွန်ခရိုင်တစ်ခရိုင်အတွင်းတွင် မြန်မာငါးဖမ်းလုပ်သား ၅၀၀၀၀ ကျော်နေရပ်ပြန်ကုန်ကြရပါတယ်။ ငါးဖမ်းလုပ်ငန်းပြန်လည်ဖြစ်ထွန်းလာလျှင် နေရပ်ပြန်သွားကြသော မြန်မာရေလုပ်သားများ ထိုင်းနိုင်င်ငံသို့ ပြန်မလာတော့မှာကို ထိုင်းငါးဖမ်းလုပ်ငန်းရှင်နဲ့ ရေသတ္တ၀ါ ကုန်ချောထုတ်လုပ်ရေး ကုမ္ပဏီပိုင်ရှင်များက အထူးစိုးရိမ်နေပါတယ်။

ထိုင်းငါးဖမ်းလုပ်ငန်းမှာ စမွတ်စာခွန်ခရိုင်တစ်ခရိုင်တည်းတွင် တစ်နှစ်ကိုဝင်ငွေ ဘတ်သန်းပေါင်း ၁သိန်းအထိရရှိပါတယ်။ ငါးဖမ်းလုပ်သားနှင့် ငါးပုဇွန်ကုန်ချောစက်ရုံအလုပ်သမားအများစုက မြန်မာအလုပ်သမားတွေဖြစ်ပါတယ်။ ပြန်သွားကြသောမြန်မာအလုပ်သမားများထိုင်းသို့ပြန်လာဖို့ လုပ်ငန်းရှင်များအဖွဲ့ကအစိုးရထံအကူအညီတောင်းနေပါတယ်။

 လက်ရှိမှာတန် ၃၀အမျိုးအစားငါးဖမ်းသင်္ဘောများ ၇၀-၈၀%အထိ အစင်းရေအားဖြင့် ၄၀၀ စင်းကို ငါးဖမ်းထွက်ခွာဖို့အဆင်သင့်ဖြစ်နေပါပြီ အလုပ်သမားတော့လုံလောက်မှုမရှိဘူး။ ဤပြဿနာရဲ့အကျိုးဆက်ကို နိုင်င်ငံဝင်ငွေထိခိုက်စေသလို ပင်လယ်အစားအစားစားသုံးသောထိုင်းပြည်သူတွေအတွက်လည်း ပင်လယ်ငါး ပုဇွန် ဂဏန်းများ ဈေးတဟုန်ထိုးတက်သွားနိုင်တယ်လို့ စမွတ်စာခွန်ခရိုင် ရေသတ္တ၀ါလုပ်ငန်းကော်မတီဥက္ကဌမစ်စတာ အာခုံ ခရိုဝန်ကပြောကြားသွားပါတယ်။

ထိုမကပဲ ဆောက်လုပ်ရေးလုပ်ငန်းခွင်မှာ အလုပ်လုပ်နေသော မြန်မာအလုပ်သမားများနှင့် အိမ်တွင်းရေးရာအလုပ်သမားများလည်း ပြီးခဲ့တဲ့သင်္ကြန်ရက်အတွင်းမှာ နေရပ်သို့ပြန်သွားကြပြီး ၅၀%အထိပြန်မလာကြတာကြောင့် ဆောက်လုပ်ရေးလုပ်ငန်းနှင့်အိမ်တွင်းရေးရာမှာလည်း အလုပ်သမားတွေ မရှိသလောက်ဖြစ်ကုန်ပြီလို့သိရပါတယ်။

 မြန်မာအစိုးရက နိုင်ငံခြားလာရောက်ရင်းနှီးမြှုပ်နှံမှုကိုတံခါးဖွင့်ပေးထားပြီး တိုးတက်ဖွံ့ဖြိုးရေး Infrastructure တွေလည်းတည်ဆောက်ထားသလို ဆောက်လုပ်ရေးလုပ်ငန်း ဟိုတယ်နှင့်ခရီးသွားလုပ်ငန်းစသည်တို့ကိုလည်း လျှင်မြန်စွာလုပ်ဆောင်နေတဲ့အတွက် နိုင်ငံခြားမှာအလုပ်သွားလုပ်နေကြသောမြန်မာအလုပ်သမားအများအပြားအမိနိုင်ငံသို့ပြန်လာစေပါတယ်လို့ ပြောသွားပါတယ်ခင်ဗျား။

MTF Channel
https://www.facebook.com/mtftv/

0 comments:

Post a Comment