Saturday, June 4, 2016

iPhone 7 Plus ရဲ့ဖုန်းကာဗာ ပုံရိပ်များပေါက်ကြားလာ

အခုပေါက်ကြားလာတဲ့ ပုံရိပ်တွေကတော့ မကြာမီမှာ ထွက်ရှိတော့မယ့် မျိုးဆက်သစ် iPhone အမျိုးအစားတွေရဲ့ ဖုန်းကာဗာတွေပဲဖြစ်ပါတယ်။ Apple ရဲ့ အဓိကထုတ်ကုန်တွေမထုတ်လုပ်မီ ဒီလိုမျိုးထွက်ပေါ်လာတာဟာ နည်းနည်းတော့ ထူးဆန်းနေပေမယ့် အံ့အားသင့်စရာတော့မရှိပါဘူး။
ယခုထွက်ပေါ်လာတဲ့ပုံရိပ်တွေကတော့ Casemaker လို့ခေါ်တဲ့ ဖုန်းကာဗာပြုလုပ်တဲ့သူတွေကနေတစ်ဆင့် ပေါက်ကြားလာတာပါ။ သူတို့ဆီက ထွက်လာတဲ့ကောလာဟလတွေဟာ မှားတတ်ပေမယ့် ယခုထွက်လာတဲ့ပုံရိပ်တွေက အရင် iPhone 7 အတွက် ထွက်ပေါ်လာတဲ့ ကောလဟလတွေနဲ့ ကိုက်ညီမှုတချို့ရှိနေပါတယ်။
ကောလဟလတွေအရ ယခုထွက်မယ့် iPhone အသစ်၊ အထူးသဖြင့် iPhone 7 Plus ဒါမှမဟုတ် iPhone 7 Pro မှာ Smart Connector လို့ခေါ်တဲ့ ဆက်သွယ်ရေးစနစ်အသစ်နဲ့ ကင်မရာနှစ်လုံးပါဝင်မယ်လို့ သတင်းထွက်လာတဲ့အတိုင်း ဒီပုံရိပ်တွေမှာလည်း ပါဝင်နေခဲ့ပါတယ်။ အဲ့ဒီအပြင် နောက်ထပ်ကိုက်ညီတဲ့ အချက်တစ်ချက်ကတော့ နားကြပ်ထိုးတဲ့အပေါက်မပါဝင်တော့ပဲ Bluetooth စနစ်ဒါမှမဟုတ် Lightning ပေါက်နဲ့ Audio စနစ်ကို ပြောင်းလည်းပေးမယ့် အချက်ပဲဖြစ်ပါတယ်။
ဒီပုံရိပ်တွေကို 9to5 Mac စာမျက်နှာမှာ ဖော်ပြခဲ့တာဖြစ်ပြီး ကောလာဟလတွေအတိုင်း တကယ်ဖြစ်ပေါ်လာမလားဆိုတာကိုတော့ လာမယ့် စက်တင်ဘာလအထိ စောင့်ကြည့်ရဦးမှာပါ။
Ref: Techno Buffalo

0 comments:

Post a Comment