Sunday, July 3, 2016

Facebook က အသုံးပြုသူ၏ ဘာသာစကားအလိုက် Post များကို အလိုအလျောက် ဘာသာပြန်ပေးတော့မည်

သုံးစွဲသူအကြိုက် ဘာသာစကားဖြင့် post များကို အလိုအလျောက် ဘာသာပြန် ဖော်ပြမည့် စနစ်တစ်ခုကို Facebook က ဇူလိုင် ၁ ရက်၌ စတင် စမ်းသပ်ခဲ့သည်။ ဇူလိုင် ၁ ရက်မှစပြီး Facebook သုံးစွဲသူများသည် ၎င်းတို့ နှစ်သက်ရာ Post များကို အခြား ဘာသာ ၄၄ မျိုးအနက် တစ်မျိုးမျိုးအတွက် ပြန်ဆိုမှုကို ကြည့်ရှုနိုင်တော့မည်ဖြစ်သည်။
ထိပ်တန်း လူမှုကွန်ရက် Facebook က ကုမ္ပဏီများ၊ တံဆိပ်များ၊ အုပ်စုများနှင့် နာမည်ကျော်များ၏ စာမျက်နှာများ Pages ၌ ဘာသာစကားမျိုးစုံ ဖလှယ်ရေး ကိရိယာ စနစ်ကို ယခုနှစ် အစောပိုင်းတွင် စတင် အသုံးပြုခဲ့သည်။ ယခုအခါတွင် သာမန် အသုံးပြုသူများ အားလုံး ယင်းဘာသာပြန် စနစ်ကို အသုံးပြုခွင့် ပေးခဲ့ခြင်းဖြစ်သည်။
Facebook ပေါ်တွင် စာမျက်နှာ ဖန်တီးသူများနှင့် အခြားသုံးစွဲသူများ အနေဖြင့် ဘာသာစုံသုံး Post တစ်ခု တင်နိုင်ပြီး ခြားနားသည့် ဘာသာစကား သုံးစွဲသူများက သူတို့၏ ဦးစားပေး ဘာသာစကား တစ်ခုတည်းဖြင့်သာ မြင်နိုင်မည်ဖြစ်ရာ လူတို့ အနေဖြင့် သူတို့နှင့် ကွဲပြားခြားနားသော ပရိသတ်များအကြား တုံ့လှယ်မှု ပိုမို ပြုလုပ်နိုင်မည်ဟု ဆိုသည်။
ကမ္ဘာပေါ်တွင် Facebook သုံးစွဲသူ ၁ ဒသမ ၅ ဘီလျံ၏ ထက်ဝက်ကျော်မှာ အင်္ဂလိပ်ဘာသာ မဟုတ်သော အခြားဘာသာ စကားကို သုံးသူများဖြစ်ကြောင်း Facebook ကဆိုသည်။ အင်တာနက် လူမှုကွန်ရက် သုံးစွဲသူများအကြား ဘာသာစကား အဟန့်အတားကို တစ်ချိန်ချိန်၌ ဖယ်ရှားနိုင်ရေး ရည်ရွယ်ချက်ဖြင့် ယခု ဘာသာပြန် အစီအစဉ်ကို လုပ်ဆောင်ခြင်း ဖြစ်ကြောင်းလည်း Facebook က ပြောခဲ့သည်။
Ref: AFP
http://news-eleven.com/international/21572 မှ ပြန်လည် ကူးယူဖော်ပြသည်။

0 comments:

Post a Comment