Thursday, August 18, 2016

သစ်လွင်နေဆဲ အဖေ့အပြုံး



ဇရာကို အန်တုလို့
မာန်ပြုလျက် အဖေ။

မိသားစုဘ၀အတွက်ဆို
ချွေးစက်တွေနှင့် ပေးဆက်
အပြုံးမပျက်တဲ့ အဖေ…။

သားသမီးအတွက်ဆို
အဖေ့လက်တွေ ကြမ်းပါစေ
အနမ်းပွင့်ခြွေလို့
လမ်းဖွင့်ပေးတဲ့ အဖေ..။

အခုအချိန်ထိ..
ဆံဖြူသွားကျိုး
မလျော့ မရိုး
ချစ်တွေတိုးလို့
ချစ်နေမြဲလေ …ချစ်ဆဲ အဖေ..။

ကမ္ဘာပျက်သုဉ်း
မိုးမြေဆုံးလည်း
သားနှလုံးသားဝယ်
အပြုံးတကာ့အပြုံး..
အဖေ့ပြုံးသည်သာ
အလှဆုံးမို့
ချစ်ထုံးမပြယ်ချင်
အစဉ်သစ်လွင်လို့
ချစ်ပင်မြဲဝေ ချစ်မြဲအဖေ..။

Credit to     ရွှမ်းသိင်္ဃ(တနင်္သာရီ)

0 comments:

Post a Comment