နောက်ဆုံးမိနစ်အထိ အဖြေမညှိနိုင်ခဲ့သော သမ္မတလောင်းရှာပုံတော်က မတ်လ ၁၀ ရက်နေ့တွင် အဆုံးသတ်ခဲ့သည့်တိုင် မြန်မာ့အနာဂတ် အတွက် ပဟေဠိတို့က မပြီးသေးပါ။ ခန့်မှန်းမှုမျိုးစုံနှင့် သမ္မတလောင်း ရှာပုံတော်အပြီး သမ္မတအထက်က နေရာမှာ အဖြေခက်ပုစ္ဆာအဖြစ် ရှိနေဆဲပင်ဖြစ်သည်။
အနိုင်ရပါတီ၏ လက်ရှိဥက္ကဋ္ဌတစ်ဦး၊ လွှတ်တော်ကိုယ်စားလှယ် တစ်ဦး တာဝန်တို့မှ အပ အခြားရာထူး တာဝန်မယူထားသော ဒေါ်အောင်ဆန်းစုကြည် အတွက် တိုင်းပြည်ကို ထိန်းကျောင်းမောင်းနှင်မည့် နေရာတစ်ခု မကြာမီ ပေါ်ထွက်လာမည်ဖြစ်ကြောင်း လွှတ်တော်ကိုယ်စားလှယ်အချို့က သုံးသပ်ထားသည်။ ဒေါ်အောင်ဆန်းစုကြည်ကမူ သမ္မတ မဖြစ်လျှင် သမ္မတအထက်က နေမည်ဟု ရှေးမဆွကပင် ထုတ်ပြောထားပြီး ယင်းအတွက်လည်း အစီအစဉ်များ ရှိထားကြောင်း နိုဝင်ဘာလဆန်းကတည်းက ပြောဆိုထားခြင်း ဖြစ်သည်။
“သမ္မတအထက်မှာ နေဖို့အတွက် အစီအစဉ်တွေ လုပ်ထားပြီးပါပြီ” ဟု ကိုယ်တိုင် ထုတ်ပြောထားသော်လည်း ဒေါ်အောင်ဆန်းစုကြည်၏ ထိုနေရာကို ပြည်သူတို့ ရှာမတွေ့သေး။
ပြည်သူအများစု၏ ရင်ထဲက သမ္မတအတွက် ပြင်ပနေရာမှာ ဘယ်ဝယ်ဘယ်ဆီ ရှိနေသနည်း။
ခဲသော်လည်း လွဲခဲ့သည့်နေရာ
မတ်လ ၁၀ ရက်နေ့ ဒုတိယသမ္မတလောင်း နှစ်ဦး အမည်စာရင်း မထွက်မီအထိ ဒေါ်အောင်ဆန်းစုကြည်သာ သမ္မတဟု အမျိုးသားဒီမိုကရေစီအဖွဲ့ချုပ် နာယက သူရဦးတင်ဦးနှင့် ဗဟိုအလုပ်အမှုဆောင် ဦးဝင်းထိန်တို့က အကြိမ်ကြိမ် ပြောဆိုထားသည်။
“ဒေါ်အောင်ဆန်းစုကြည် သမ္မတ ဖြစ်ဖို့က အနှေးနဲ့အမြန်ပဲ ကွာမယ်။ ဖြစ်ကိုဖြစ်မှာ” ဟု ဦးဝင်းထိန်က ဆိုသည်။
နိုဝင်ဘာ ၈ ရက်နေ့ ရွေးကောက်ပွဲအပြီး ဒေါ်အောင်ဆန်းစုကြည်နှင့် ဗိုလ်ချုပ်မှူးကြီး မင်းအောင်လှိုင်တို့ သုံးကြိမ်တိုင် တွေ့ဆုံဆွေးနွေး ခဲ့သော်လည်း ပြည်သူတို့ အားခဲထားသည့် ပုဒ်မ ၅၉(စ) ပြင်ဆင်ရေးနှင့် ဒေါ်အောင်ဆန်းစုကြည် သမ္မတဖြစ်ရေးက လက်တွေ့မဖြစ်ခဲ့။ သို့သော် သမ္မတလောင်း အဆိုပြုမည့် မတ်လ ၁၀ ရက်နေ့ နံနက် ၁၀ နာရီ မတိုင်မီအထိ ပြည်သူအချို့က အိပ်မက်ကို လက်မလျှော့။ သမ္မတလောင်းမှာ ဒေါ်အောင်ဆန်းစုကြည်သာဟု မျှော်လင့်ထားခဲ့သည်။ ဒေါ်အောင်ဆန်းစုကြည် ကိုယ်တိုင်လည်း ယင်းအချက်ကို ရိပ်စားမိဟန်တူပြီး သူ၏ပါတီက အဆိုပြုမည့် သမ္မတလောင်းမှာသူ မဟုတ်သည့်တိုင် ဝန်းရံထောက်ခံပေးရန် မေတ္တာရပ်ခံသည့် ပန်ကြားစာကို မတ်လ ၁၀ ရက်နေ့ နံနက်ပိုင်းတွင် ထုတ်ပြန်ခဲ့သေးသည်။
အမှန်တကယ် သမ္မတလောင်း အဆိုပြုချိန် တွင်လည်း ဒေါ်အောင်ဆန်းစုကြည်၏ အမည်နာမ မပါခဲ့။ အခြေခံဥပဒေ ပုဒ်မ ၅၉ (စ) ကို ဆိုင်းငံ့၍တစ်ဖုံ၊ ဒေါ်အောင်ဆန်းစုကြည်၏ သားနှစ်ဦးကို မြန်မာနိုင်ငံသား ခံယူသည့် နည်းဖြင့်တစ်သွယ် သမ္မတဖြစ်ရေး စိတ်ကူး ပုံဖော်ခဲ့ကြသော်လည်း အိမ်တော်သို့ ချီရာလမ်းက ခဲလေသမျှ လွဲခဲ့ရသည်။
လွှတ်တော်တွင်းက နေရာ
သမ္မတအိမ်တော်သို့ အချိန်မီ မရောက်နိုင်ခဲ့သော အနိုင်ရပါတီ ခေါင်းဆောင်အတွက် လွှတ်တော်တွင်း အနာဂတ်က မည်သို့ ရှိနေသနည်း။
ကြားဖြတ်ရွေးကောက်ပွဲကာလ ၂၀၁၂ ခုနှစ် နောက်ပိုင်းကတည်းက လွှတ်တော်တွင်း ရှေ့ဆုံးတန်းတစ်နေရာ၌ ဒေါ်အောင်ဆန်းစုကြည်ကို အမြဲလိုလို မြင်တွေ့ခဲ့သည်။ ယင်းနေရာမှာ လွှတ်တော်ဥက္ကဋ္ဌများ၊ ကော်မတီ ဥက္ကဋ္ဌများအတွက် နေရာလည်းဖြစ်သည်။
သို့သော် ပင်နီလွှတ်တော်ကြီး စတင် အသက်ဝင်ပြီးနောက် ဖေဖော်ဝါရီလ လလယ်ခန့်ကစ၍ မြန်မာဖက်ရှင် အမိုက်စားဖြင့် စတိုင်ကျလှသော ပါတီဥက္ကဋ္ဌကို လွှတ်တော်တွင်း၌ ရှာမတွေ့တော့။ ဒေါ်အောင်ဆန်းစုကြည် လွှတ်တော် အစည်းအဝေးများသို့ မတက်ရောက်သည်မှာ ရက်မှလသို့ပင် ကူးပြောင်းခဲ့ပြီ ဖြစ်သည်။
“လွှတ်တော်ကို ခွင့်တိုင်ပြီး ပျက်ကွက်တာတော့ မဟုတ်ဘူး။ ကိုယ်စားလှယ်ကတ် ထိုးတယ်။ ပြီးရင် ကော်မတီ အစည်းအဝေးခန်းမှာပဲ သွားနေတယ်” ဟု အမည်မဖော် လိုသူ လွှတ်တော်ကိုယ်စားလှယ်တစ်ဦးက ဖောက်သည်ချသည်။
ဒေါ်အောင်ဆန်းစုကြည် မတက်ရောက်သည့် လွှတ်တော်အစည်းအဝေး အများစု မှာလည်း အချိန်မိနစ်ပိုင်းသာ ကြာမြင့်လေ့ရှိပြီး ပင်နီလွှတ်တော်ကြီးက အသက်မဝင် ခြောက်ကပ်ကပ် နိုင်လှကြောင်း လေ့လာသူတို့က မှတ်ချက်ပြုသည်။
“အစ်မ လွှတ်တော်အစည်းအဝေး မလာပါနဲ့။ အစ်မရှိရင် ကျွန်တော်အလုပ်လုပ်လို့ မရဘူးဆိုပြီး ဦးဝင်းမြင့်က ပြောထားတယ်” ဟု အမျိုးသားဒီမိုကရေစီ အဖွဲ့ချုပ် ပါတီဝင် ပြည်သူ့လွှတ်တော် ကိုယ်စားလှယ် တစ်ဦးက ဆိုသည်။
ယင်းစကားကို သီးခြားအတည်ပြုနိုင်ခြင်း မရှိသော်လည်း ပြည်သူ့လွှတ်တော် ဥက္ကဋ္ဌဦးဝင်းမြင့်မှာ ဒေါ်အောင်ဆန်းစုကြည်ကို လွန်စွာ ချစ်ကြောက်ရိုသေရသူ တစ်ဦး ဖြစ်သည့်အတွက် ဒေါ်အောင်ဆန်းစုကြည်က မတ်တပ်ရပ်၍ အလေးအမြတ်ပြုရသည့် ပုံစံကို ဦးဝင်းမြင့်က ခံနိုင်စွမ်းမရှိကြောင်း ယင်းပါတီ အသိုင်းအဝိုင်းထံမှ စုံစမ်း သိရှိရသည်။
ယင်းစကားကို သီးခြားအတည်ပြုနိုင်ခြင်း မရှိသော်လည်း ပြည်သူ့လွှတ်တော် ဥက္ကဋ္ဌဦးဝင်းမြင့်မှာ ဒေါ်အောင်ဆန်းစုကြည်ကို လွန်စွာ ချစ်ကြောက်ရိုသေရသူ တစ်ဦး ဖြစ်သည့်အတွက် ဒေါ်အောင်ဆန်းစုကြည်က မတ်တပ်ရပ်၍ အလေးအမြတ်ပြုရသည့် ပုံစံကို ဦးဝင်းမြင့်က ခံနိုင်စွမ်းမရှိကြောင်း ယင်းပါတီ အသိုင်းအဝိုင်းထံမှ စုံစမ်း သိရှိရသည်။
ယင်းစကားအတိုင်းသာ ဆိုပါလျှင် လာမည့် ငါးနှစ်တာကာလအတွက် ဒေါ်အောင်ဆန်းစုကြည်ကို လွှတ်တော် အစည်းအဝေးများ၌ ဆက်လက်မြင်တွေ့ရဖွယ် မရှိ။ အခြားနေရာတစ်ခုကို ရှာကြည့် ရပေဦးမည်။
သမ္မတအထက်က နေရာ
သမ္မတနေရာနှင့် လွဲခဲ့ချိန် လွှတ်တော် အစည်းအဝေးခန်းမ၏ ခပ်ဝေးဝေး၌သာ အလုပ်များနေသော ဒေါ်အောင်ဆန်းစုကြည် အတွက် သမ္မတအထက်က နေရာမှာ လပိုင်းအတွင်း ပေါ်ထွက်လာရန် ရှိသည်။
သမ္မတဦးသိန်းစိန် အစိုးရ၊ ယင်း အစိုးရက ခန့်ထားသည့် ဖွဲ့စည်းပုံအခြေခံ ဥပဒေဆိုင်ရာ ခုံရုံးစသည့် အစိုးရယန္တရားတို့ မပျက်ပြယ်သေးချိန် ဒေါ်အောင်ဆန်းစုကြည် အတွက် သမ္မတအထက်က နေရာကို ဖန်တီးရန် ခက်သော်လည်း ဧပြီလ ၁ ရက်နေ့တွင် စမည့် အစိုးရသစ်လက်ထက်၌ သမ္မတ အထက်က နေရာပေါ်လာဖွယ် ရှိသည်။
“အဲဒီနေရာ လုပ်ရင်လည်း အစိုးရသစ် လက်ထက်မှ လုပ်မှာပေါ့။ လက်ရှိ အစိုးရ လက်ထက်မှာလုပ်ရင် အခြေခံဥပဒေနဲ့ မညီဘူးတို့၊ ဘာတို့ အငြင်းပွားစရာတွေ ဖြစ်လာနိုင်တယ်လေ” ဟု ပြည်သူ့လွှတ်တော် ကိုယ်စားလှယ်ဟောင်း ဦးရဲထွန်းက ရှင်းပြသည်။
ဒေါ်အောင်ဆန်းစုကြည်အတွက် သမ္မတအထက်က နေရာဆိုသည်မှာ အသစ်အဆန်း တစ်ခုတော့ မဟုတ်နိုင်။ ယခင် တပ်မတော်အစိုးရကို နှစ်ပေါင်း ၂၀ ကျော် ကြာ ဦးဆောင်ခဲ့သူ အငြိမ်းစားဗိုလ်ချုပ်မှူးကြီး ဦးသန်းရွှေ၏ အိပ်မက်ဟောင်းဖြစ်သည့် နိုင်ငံ့ဥသျှောင်နေရာ ဖြစ်သည်။ နိုင်ငံ့ဥသျှောင် နေရာအတွက် သီးခြား ရုံးခန်းတစ်ခုပင် ဆောက်လုပ်ခဲ့သော်လည်း ဗိုလ်ချုပ်မှူးကြီးသန်းရွှေ အကောင်ထည် မဖော်နိုင်ခဲ့သည့် အဆိုပါနေရာမှာ ဒေါ်အောင်ဆန်းစုကြည်၏ သမ္မတအထက်က နေရာ ဖြစ်လာဖွယ်ရှိကြောင်း ဗိုလ်ချုပ်မှူးကြီး မင်းအောင်လှိုင်နှင့် နီးစပ်သူတစ်ဦးက The Voice သို့ ပြောဆိုထားသည်။
သမ္မတအဖြစ် ဦးထင်ကျော်ကို တာဝန်ပေးကာ ဒေါ်အောင်ဆန်းစုကြည်မှာ နိုင်ငံ့ ဥသျှောင်ပုံစံဖြင့် အစိုးရ၊ လွှတ်တော်နှင့် ပါတီကို ထိန်းကျောင်းမည်ဖြစ်ကြောင်း အထက်ပါပုဂ္ဂိုလ်က လွန်ခဲ့သည့် တစ်လခန့် ကတည်းက ကြိုတင်ပြောဆိုခဲ့ခြင်း ဖြစ်သည်။
ယခု ဦးထင်ကျော်လည်း သမ္မတဖြစ်တော့မည်။
ဒေါ်အောင်ဆန်းစုကြည်အတွက် နိုင်ငံ့ဥသျှောင်နေရာကို အဖြေရှာရန်သာ ရှိတော့သည်။
ဒေါ်အောင်ဆန်းစုကြည်အတွက် နိုင်ငံ့ဥသျှောင်နေရာကို အဖြေရှာရန်သာ ရှိတော့သည်။
သော့ချက် ၂၁၇
သမ္မတအထက်က နေရာမှာ ဖွဲ့စည်းပုံ အခြေခံဥပဒေနှင့် ညီပါသလားဟု သံသယ ပွားသူတို့အတွက် ၂၀၀၈ ဖွဲ့စည်းပုံ အခြေခံ ဥပဒေ ပုဒ်မ ၂၁၇ က အဖြေဖြစ်လာဖွယ် ရှိသည်။ ၂၀၀၈ ဖွဲ့စည်းပုံ အခြေခံဥပဒေ အခန်း (၅) အုပ်ချုပ်ရေး ခေါင်းစဉ်အောက်ရှိ ပုဒ်မ ၂၁၇ ကို အမျိုးသားဒီမိုကရေစီအဖွဲ့ချုပ် ပါတီဝင် ပြည်သူ့လွှတ်တော်ကိုယ်စားလှယ် တစ်ဦးက အရောင်ခြယ်ပြသည်။
“ဒါပဲ။ ဒီပုဒ်မပဲ” ဟု ပါရဂူဘွဲ့ရလည်း ဖြစ်၊ လွှတ်တော်တွင်း ကော်မတီတစ်ခု၏ ခေါင်းဆောင်လည်းဖြစ်သူ အထက်ပါပုဂ္ဂိုလ်က ခပ်တိုတိုဆိုသည်။
ပုဒ်မ ၂၁၇ က မည်သည့်အရာများကို ပြောထားပါသနည်း။
“ဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် မဆန့်ကျင်စေဘဲ ပြည်ထောင်စု၏ အုပ်ချုပ်မှုအာဏာသည် နိုင်ငံတော်သမ္မတ၌ တည်ရှိသည်။ ဤစကားရပ်ကြောင့် ပြည်ထောင်စုလွှတ်တော်သည် အာဏာပိုင် အဖွဲ့အစည်း တစ်ရပ်ရပ်အားလည်းကောင်း၊ အာဏာပိုင် ပုဂ္ဂိုလ် တစ်ဦးဦးအားလည်းကောင်း တာဝန်နှင့် လုပ်ပိုင်ခွင့်များ ပေးအပ်ခြင်း မပြုနိုင်ဟု မမှတ်ယူရ။ ထို့ပြင် ယင်းစကားရပ်ကြောင့် တည်ဆဲဥပဒေများအရ သက်ဆိုင်ရာ အာဏာပိုင်အဖွဲ့အစည်း တစ်ရပ်ရပ်အား ဖြစ်စေ သက်ဆိုင်ရာ အာဏာပိုင်ပုဂ္ဂိုလ် တစ်ဦးဦးအားဖြစ်စေ အပ်နှင်းထားသည့် တာဝန်နှင့် လုပ်ပိုင်ခွင့်များကို နိုင်ငံတော်သမ္မတအား လွှဲပြောင်းပေးအပ်သည် ဟုလည်း မမှတ်ယူရ။”
အထက်ပါ စာပိုဒ်နှစ်ခုက အခြေခံ ဥပဒေပုဒ်မ ၂၁၇ ပင် ဖြစ်သည်။
“တာဝန်နှင့် လုပ်ပိုင်ခွင့်ကို ပေးအပ်ခြင်း မပြုနိုင်ဟု မမှတ်ယူရဆိုတော့ ပေးအပ်လို့ ရတယ်ဆိုတဲ့ အဓိပ္ပါယ်ပဲ” ဟု ဦးရဲထွန်းက သုံးသပ်သည်။
ပါရဂူဘွဲ့ရ လွှတ်တော်ကိုယ်စားလှယ်၏ အဆိုအရမူ ယင်းပုဒ်မမှာ ဗိုလ်ချုပ်မှူးကြီး သန်းရွှေ၏ နိုင်ငံ့ဥသျှောင်အဖွဲ့ကို လွှတ်တော်က အာဏာပေးအပ်ပိုင်ခွင့် အတွက် ရည်ရွယ် ရေးဆွဲခဲ့ခြင်းသာ ဖြစ်နိုင်ပြီး ယခု ယင်းပုဒ်မကို အသုံးပြု၍ ဒေါ်အောင်ဆန်းစုကြည်အတွက် သမ္မတအထက်ကနေရာကို ဖန်တီးနိုင်ကြောင်း ရှင်းပြသည်။
“သူ့ဖို့ လုပ်ခဲ့တာက အခုတော့ ကိုယ့်ဖို့ ဖြစ်လာတယ်” ဟု ၎င်းက ရေရွတ်လိုက်သေးသည်။
“သူ့ဖို့ လုပ်ခဲ့တာက အခုတော့ ကိုယ့်ဖို့ ဖြစ်လာတယ်” ဟု ၎င်းက ရေရွတ်လိုက်သေးသည်။
ပုဒ်မ ၂၁၇ တွင် သက်ဆိုင်ရာ အာဏာပိုင် အဖွဲ့အစည်း တစ်ရပ်ရပ်အားဖြစ်စေ၊ သက်ဆိုင်ရာ အာဏာပိုင် ပုဂ္ဂိုလ်တစ်ဦးဦးအား ဖြစ်စေဟု အာဏာပိုင်ဟူသော စကားရပ်ကို ထည့်သွင်း သုံးနှုန်းထားရာ ဒေါ်အောင်ဆန်းစုကြည်မှာ ဥပဒေပြုအာဏာပိုင် ပုဂ္ဂိုလ်တစ်ဦး ဖြစ်သည်။ နိုင်ငံ့ဥသျှောင်အဖြစ် တစ်ဦးတည်း ခံယူမည်ဆိုပါက ယင်းပုဒ်မ ၂၁၇ နှင့်အညီ လွှတ်တော်က ဒေါ်အောင်ဆန်းစုကြည်ကို တာဝန်နှင့် လုပ်ပိုင်ခွင့်များ ပေးအပ်နိုင်ပြီး ဥသျှောင်အဖွဲ့ဟု ဖွဲ့စည်းမည် ဆိုပါလျှင် လွှတ်တော်ကိုယ်စားလှယ်များထဲမှပင် ရွေးချယ်ဖွယ် ရှိသည်။ အခြေခံဥပဒေအရ လွှတ်တော်ကိုယ်စားလှယ် မဟုတ်သူများကို လွှတ်တော်ကော်မရှင် တစ်ရပ်ရပ်တွင် တာဝန်ပေးနိုင်သော်လည်း ဥပဒေပြုပိုင်ခွင့် အာဏာမှာမူ လွှတ်တော် ကိုယ်စားလှယ်များ၌သာ ရှိထားသည်။
ပုဒ်မ ၂၁၇ ကို အကောင်အထည် ဖော်ရန်အတွက် နောက်ထပ်ပုဒ်မတစ်ခုဖြစ်သော အခြေခံဥပဒေ ပုဒ်မ ၂၁၈ (ခ) ကို အသုံးပြုနိုင်ကြောင်း အထက်ပါ အမျိုးသား ဒီမိုကရေစီအဖွဲ့ချုပ်ပါတီဝင် ပြည်သူ့လွှတ်တော် ကိုယ်စားလှယ်က ရှင်းပြသည်။ ပုဒ်မ ၂၁၈ (ခ) တွင် “နိုင်ငံတော် သမ္မတသည် မိမိ၏ သဘောအတိုင်း ဆောင်ရွက်ရန် ဖွဲ့စည်းပုံ အခြေခံဥပဒေက ပြဋ္ဌာန်းထားသည့် ကိစ္စရပ်များမှအပ ပြည်ထောင်စု အစိုးရက ဆောင်ရွက်ခွင့်ရှိသော ကိစ္စရပ်များ အတွက် လည်းကောင်း၊ အဆိုပါ ကိစ္စရပ်များကို ပြည်ထောင်စုအစိုးရ ဝန်ကြီးများအား ခွဲဝေအပ်နှင်းရန် လည်းကောင်း၊ ဥပဒေတစ်ရပ်ရပ် အရ ဆောင်ရွက်ရန် တာဝန်ရှိသော ပုဂ္ဂိုလ်အား ခွဲဝေအပ်နှင်းရန် လည်းကောင်း လိုအပ်သည့် နည်းဥပဒေများ ပြဋ္ဌာန်းခွင့်ရှိသည်” ဟု ဖော်ပြထားသည်။
ယင်းအတိုင်း ဆိုပါလျှင် နိုင်ငံ့ဥသျှောင် အဖွဲ့ သို့မဟုတ် ယင်းနှင့် အလားသဏ္ဍာန် တူပြီး နိုင်ငံကိုထိန်းကျောင်း မောင်းနှင်နိုင်မည့် လူပုဂ္ဂိုလ်အဖွဲ့အစည်း တစ်ရပ်ရပ် အတွက် ပြည်ထောင်စုလွှတ်တော်က ဥပဒေ နည်းဥပဒေများ ပြဋ္ဌာန်းရမည် ဖြစ်သည်။ ယင်းသို့ ပြဋ္ဌာန်းရန်အတွက် ပင်နီလွှတ်တော်က အဆင်သင့် ရှိမည်သာ ဖြစ်သည်။
ဒေါ်အောင်ဆန်းစုကြည်အတွက် နေရာ
ဥပဒေပြုရေးအာဏာ၊ အုပ်ချုပ်ရေး အာဏာနှင့် တရားစီရင်ရေး အာဏာတို့ကို တတ်နိုင်သမျှ ပိုင်းခြားကျင့်သုံးမည်ဟု ၂၀၀၈ ဖွဲ့စည်းပုံ အခြေခံဥပဒေတွင် ဖော်ပြထားပြီး လွှတ်တော်၊ အစိုးရနှင့် ပါတီတို့ကိုလည်း ပိုင်းခြား ကန့်သတ်ချက်များ ထည့်သွင်းထားသည်။
လွှတ်တော်ကိုယ်စားလှယ် ဖြစ်လျှင် သမ္မတ၊ ဒုတိယသမ္မတ တစ်ပြိုင်တည်းဖြစ်ခွင့် မရှိသလို အစိုးရအဖွဲ့ဝင်လည်း ဖြစ်ခွင့်မရှိ။ သမ္မတ ဒုတိယသမ္မတ သို့မဟုတ် အစိုးရ အဖွဲ့ဝင်အဖြစ် တာဝန်ထမ်းဆောင်မည် ဆိုလျှင်လည်း ကိုယ်စားလှယ်ဖြစ်လျှင် ကိုယ်စားလှယ်တာဝန်မှ နှုတ်ထွက်ရန်လိုပြီး မိခင်ပါတီ၏ လုပ်ငန်းများတွင်လည်း ပါဝင်ခွင့် မရှိ။ ယင်းမှာ ၂၀၀၈ ဖွဲ့စည်းပုံ အခြေခံ ဥပဒေက ကန့်သတ်ထားချက်များ ဖြစ်သည်။
အကယ်၍ အခြေခံဥပဒေပါ သတ်မှတ် ပြဋ္ဌာန်းချက်တစ်ခုခုကို ကျော်လွန်မိလျှင် စည်းကမ်းဥပဒေ လိုက်နာရေး အရေးကြီးကြောင်း တဖွဖွပြောလာသည့် ဗိုလ်ချုပ်မှူးကြီး မင်းအောင်လှိုင် ဦးဆောင်သော တပ်မတော်နှင့် ထိပ်တိုက်တွေ့လာစရာ ရှိသည်။
ပုဒ်မ ၂၁၇၊ ၂၁၈ တို့အရ ဖန်တီးမည့် နိုင်ငံ့ဥသျှောင် သို့မဟုတ် အလားတူ ပုဂ္ဂိုလ် အဖွဲ့အစည်းမှာ တိုင်းပြည်ကို ထိန်းကျောင်းမောင်းနှင်ခွင့်နှင့် တပြိုင်နက်တည်း လွှတ်တော်နှင့် ပါတီကိုလည်း ထိန်းကျောင်းခွင့် ရှိလာဖွယ် ရှိသည်။
“အစိုးရအဖွဲ့ဝင် မဟုတ်ဘူးဆိုရင်တော့ ပါတီကိုလည်း စွန့်ခွာစရာ မလိုတော့ဘူး” ဟု ဦးရဲထွန်းက ဆိုသည်။
ပြည်တွင်းပြည်ပ ထိပ်သီးအစည်းအဝေး များတွင် သမ္မတနှင့် အတူထိုင်မည်ဟု ဒေါ်အောင်ဆန်းစုကြည်က ပြောဆိုထားရာ ပွဲလယ်တင့်မည့် ရာထူးတာဝန်က နိုင်ငံ့ဥသျှောင် ကဲ့သို့သော နေရာမှတစ်ပါး အခြားမရှိသေး။
ပြည်သူအများစု၏ ရင်ထဲက သမ္မတအတွက် နေရာတစ်ခု ရှိနေပါသည်။
အမျိုးသားဒီမိုကရေစီ အဖွဲ့ချုပ် ပါတီဝင် အမျိုးသားလွှတ်တော် ကိုယ်စားလှယ် ဦးသိန်းဆွေက ယင်းနေရာကို အောက်ပါအတိုင်း ပုံဖော်ပြသည်။
“အန်တီက အထက်နဲ့လည်းမလွတ်၊ အောက်ခြေနဲ့လည်း အဆက်မပြတ်တဲ့ နေရာမှာ နေမယ်”
အမျိုးသားဒီမိုကရေစီ အဖွဲ့ချုပ် ပါတီဝင် အမျိုးသားလွှတ်တော် ကိုယ်စားလှယ် ဦးသိန်းဆွေက ယင်းနေရာကို အောက်ပါအတိုင်း ပုံဖော်ပြသည်။
“အန်တီက အထက်နဲ့လည်းမလွတ်၊ အောက်ခြေနဲ့လည်း အဆက်မပြတ်တဲ့ နေရာမှာ နေမယ်”
နော်ကိုကို
- See more at: http://thevoicemyanmar.com/index.php/article/item/10143-ds2#sthash.dcYtzry7.dpuf
0 Comments
You are welcome to share your ideas with us in comments! (မှတ်ချက်များပေးရာတွင် သင်၏အကြံဉာဏ်များကို ကျွနိုပ်တို့နှင့် မျှဝေရန် ကြိုဆိုပါသည်။)
Emoji