Wednesday, April 6, 2016

ယနေ့ နောက်ထပ် ၆ ဦး ထောင်ချခံရသဖြင့် စုစုပေါင်း ထောင်ချခံရသူ ရက္ခိုင့်တပ်မတော် တပ်ဖွဲ့ဝင် ၃၇ ဦးရှိသွားပြီ


နိရဉ္စရာ၊ ဧပြီ ၆

ယနေ့ ဧပြီလ ၆ ရက်နေ့တွင် ရက္ခိုင့်တပ်မတော်နှင့် ဆက်စပ်မှုဖြင့် နောက်ထပ် ရခိုင်လူငယ် ၆ ဦးကို ကျောက်တော်မြို့နယ် တရားရုံးမှ ထောင် ၅ နှစ်စီ အသီးသီး ချမှတ်လိုက်သဖြင့် လက်ရှိ အချိန်ထိ ၎င်းမြို့နယ်တရားရုံးမှ ထောင်ချသည့် ရခိုင်လူငယ် အရေအတွက်မှာ ၃၇ ဦးထိ ရှိသွားပြီဟု သိရသည်။

ဧပြီလ ၆ ရက် ယနေ့ ထောင်ဒဏ် ၅ နှစ်စီ အသီးသီး ချမှတ် ခံရသူများမှာ

၁။ကိုစိုးနိုင် ( ဘ)ဦးသာစိန်၊ မြိတ်ဝကျေးရွာ၊ ပလက်ဝမြို့ နယ်။
၂။ကိုဦးဘမောင် (ဘ)ဦးမောင်ခင်သိန်း၊ သိမ်တောင်ကျေးရွာ၊ ရသေ့တောင်မြို့ နယ်။
၃။ကိုမောင်ကျော်သိန်း(ဘ)ဦးမောင်ထွန်းစိန်၊ ကြောင်ရှည်ကျေးရွာ၊ မင်းပြားမြို့ နယ်။
၎။ကိုမောင်သန်းဝေ(ဘ)ဦးသာထွန်းဦး၊ အရှေ့ပိုင်း၊ ကျောက်ဖြူမြို့ ။
၅။ကိုထွန်းထွန်းဝင်း(ဘ)ဦးထွန်းခိုင်၊ သာယာကုန်းကျေးရွာ၊ မင်းပြားမြို့ နယ်။
၆။ကိုထွန်းစိုးနိုင်(ဘ)ဦးထွန်းဦးဖြူ|ညိုရောင်ချောင်းကျေးရွာ|စစ်တွေမြို့ နယ် တို့ ဖြစ်သည်။

သူတို့ ၆ ဦးစလုံးက ရက္ခိုင့်တပ်မတော်မှ ဖြစ်ကြောင်း ဝန်ခံသဖြင့် တရားသူကြီးက ထိုသို့ ထောင်ဒဏ် အသီးသီး ချမှတ်လိုက်ခြင်း ဖြစ်သည်ဟု သူတို့ အမှုကို ရှေ့နေ လိုက်ပေးနေသူ ဦးထွန်းလှက နိရဉ္စရာ သတင်းဌာနသို့  အတည်ပြုပြောကြားသည်။

သူတို့အား မတရား အသင်းဆက်သွယ်မှု ပုဒ်မ ၁၇(၁) ဖြင့် ထောင်ဒဏ် ၃ နှင့် ၁၇ (၂) ဖြင့် ထောင်ဒဏ် ၅ နှစ် ချမှတ်ခဲ့သော်လည်း တစ်ပေါင်း တည်း ၅ နှစ်စီ ချမှတ် လိုက်ခြင်း ဖြစ်ကြောင်း ရှေ့နေ ကိုထွန်းလှက ပြောသည်။

ရက္ခိုင့်တပ်မတော် (AA ) နှင့် ဆက်သွယ်မှုဖြင့် ကျောက်တော်မြို့နယ် တရားရုံး တစ်ခုတည်းက ထောင်ချခံရသူမှာ ယခုအခါ စုစုပေါင်း ၃၇ ဦး ရှိသွားပြီဟု သိရသည်။ ထောင်ချခံရသူများမှာ မတ်လ ၁၆ ရက်နေ့က ၂ ဦး၊ မတ်လ ၃၀ ရက်နေ့ ၁၂ ဦး၊ မတ်လ ၃၁ ရက်နေ့က ၁၁ ဦး၊ ဧပြီလ ၄ ရက်နေ့က ၆ ဦးနှင့် ဧပြီ ၆ ရက်နေ့တွင် ၆ ဦး ဖြစ်သည်။

နောက်ထပ် တစ်ဦးသာ ကျောက်တော် ရဲစခန်း အချုပ်ထဲ၌ ကျန်ရှိနေသည်ဟု သိရသည်။

ကောင်းမြတ်နိုင်(မောင်တော)
Arakan State
https://www.facebook.com/NarinjaraNews
http://www.thithtoolwin.com/

0 comments:

Post a Comment