Wednesday, April 20, 2016

ကဘူးလ်တိုက်ခိုက်မှု သေဆုံးသူ ၂၈ ယောက်ရှိ

တာလီဘန် တွေ လက်ချက်လို့ ပြောဆို
အာဖဂန် နစ္စတန် မြို့တော် ကဘူးလ်မှာ အသေခံ တိုက်ခိုက်မှု တခုဖြစ်ခဲ့ပြီး သေဆုံးသူ ၂၈ ယောက် ရှိကာ ထိခိုက် ဒဏ်ရာရသူ စုစုပေါင်း ၃ဝဝ ကျော်ရှိတယ် လို့ အာဖဂန်နစ္စတန် က အစိုးရ အရာရှိတွေ က ပြောပါတယ်။

မျက်မြင် သက်သေ တယောက် ဖြစ်တဲ့ အာမက်နာဗစ် က ကျနော်အလုပ်လုပ်တုန်း ဝုန်း ကနဲ ပေါက်ကွဲသံကြီးကြားလိုက်ရတာပဲ။ ဖုန်မှုန့်တွေလည်း နေရာအနှံမှာ ဖုံးကုန်တယ်။ နောက်ခဏကြာလို့ မြင်လို့ရတော့ အပျက်အစီး တွေကို တွေ့လိုက်တာပဲလို့ ပြောပါတယ်။

ကားဗုံးတလုံး အရင် ကွဲပြီးမှ လက်နက်ကိုင်တွေ က ထိပ်တန်း နိုင်ငံရေး သမားတွေ ကို လုံခြုံရေး ပေးတဲ့ အထူးကာကွယ်ရေး အဖွဲ့ အခြေစိုက်ရာ မြို့လယ်က အစိုးရ အဆောက်အအုံ တခုထဲကို ဝင်သွားခဲ့တာပါ။

အခု သေဆုံးရသူတွေ အများစု က အရပ်သားတွေပါ။

တာလီဘန်တွေ က ဒါ သူတို့လက်ချက်လို့ ပြောနေပါတယ် ။

အရင်တပတ်ကပဲ တာလီဘန် တွေက သူတို့ နွေဦးပေါက် ထိုးစစ် ပြန်စမယ်လို့ ကြေညာ ထားပါတယ်။

BBC Burmese
http://www.bbc.com/burmese/world/2016/04/160419_kabul_blast
http://www.thithtoolwin.com/

0 comments:

Post a Comment